‘ବିଜେଡି’ର ନାଁ ବଦଳାଇ ଦିଅ, ସେଠି ଆଉ ବିଜୁଙ୍କ ଲୋକ ନାହାନ୍ତି: ନିରଞ୍ଜନ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ବରିଷ୍ଠ ନେତା ଦାମୋଦର ରାଉତଙ୍କୁ ବହିଷ୍କାର କରାଯିବା ପରେ କଂଗ୍ରେସ ଓ ବିଜେପି ପକ୍ଷରୁ ବିଜେଡିକୁ ବିଭିନ୍ନ ପ୍ରକାରେ ସମାଲୋଚନା କରାଯାଉଛି।</p> <p>ଗତକାଲି ବିଜେପି ନେତା ଜୟରାମୀ ପାଙ୍ଗୀ କହିଥିଲେ ଯେ &lsquo;ବିଜେଡି&rsquo; ଆଉ &lsquo;ବିଜେଡି&rsquo; ହୋଇ ରହିନାହିଁ। ଏହାକୁ ଏବେ &lsquo;ପିଜେଡି&rsquo; (ପାଣ୍ଡିଆନ୍ ଜନତା ଦଳ ବା ବେପାରୀ ଜନତା ଦଳ) କହିଲେ ଭଲ ହୁଅନ୍ତା।</p> <p>ସେହିଭଳି ପିସିସି ସଭାପତି ନିରଞ୍ଜନ ପଟ୍ଟନାୟକ ଆଜି କହିଛନ୍ତି &lsquo;ବିଜେଡି&rsquo; ତା ନାଁ ବଦଳାଇ ଦେଲେ ଭଲ ହେବ।<br /> ସେ କହିଛନ୍ତି,&ldquo;୧୮ ବର୍ଷ ଧରି ବିଜୁ ପଟ୍ଟନାୟକଙ୍କ ନାଁ ଧରି ବିଜେଡି ବଞ୍ଚିଛି। ସେ ଦଳରେ ଏବେ ଆଉ ବିଜୁ ବାବୁଙ୍କ ଲୋକ କେହି ନାହାନ୍ତି। ଏବେ ବିଜୁଙ୍କ ନାଁ ବଦଳାଇ ନବୀନ ରଖିଲେ ଭଲ ହେବ।&rdquo;</p> <p>ସେ ଆହୁରି କହିଛନ୍ତି, &ldquo;ମନ୍ତ୍ରୀ ସୂର୍ଯ୍ୟ ପାତ୍ର ସମବାୟ ବିଭାଗରେ ଦୁର୍ନୀତି ହୋଇଛି ବୋଲି ବିଧାନସଭାରେ ସ୍ୱୀକାର କରିଛନ୍ତି ନା ନାହିଁ? ସେହିପରି ପ୍ରଦୀପ ମହାରଥୀ କୃଷି ବିଭାଗରେ ଦୁର୍ନୀତି ହୋଇଛି ବୋଲି ମାନିଛନ୍ତି ନା ନାହିଁ? କିନ୍ତୁ ରାଜ୍ୟର ମୁଖ୍ୟମନ୍ତ୍ରୀ ଏହାକୁ ଅସତ୍ୟ ଓ ହାସ୍ୟାସ୍ପଦ କହୁଛନ୍ତି। ତା&rsquo;ମାନେ ମୁଖ୍ୟମନ୍ତ୍ରୀ ଏହି ଦୁର୍ନୀତିରେ ସଂପୃକ୍ତ ଅଥବା ସେ ଘଣ୍ଟ ଘୋଡ଼ାଉଛନ୍ତି।&rdquo;</p>