ଡାକ୍ତରଠାରୁ ଗୁଣିଆ ଉପରେ ଅଧିକ ଭରସା!

<p>କାମାକ୍ଷାନଗର (ରାକେଶ ଦେହୁରୀ): ଏବେ ବି ଚାଲିଛି ଝଡ଼ାଫୁଙ୍କା। ରାଜ୍ୟର ବିଭିନ୍ନ ସ୍ଥାନରୁ ଆସୁଛି ଏମିତି ଖବର। କିଏ ମୃତ ବ୍ୟକ୍ତିକୁ ବଞ୍ଚାଇବାକୁ ଝଡ଼ାଫୁଙ୍କା କରୁଛି ତ କିଏ ସାପ କାମୁଡ଼ିଲେ ଏହାର ସାହାଯ୍ୟ ନେଉଛି। ଏମିତିକି ଡାକ୍ତରଖାନା ଭିତରେ ବି ଝଡ଼ାଫୁଙ୍କା କରାଇ ଦେଉଛନ୍ତି।</p> <p>ଏମିତି ଏକ ଘଟଣା ଦେଖିବାକୁ ମିଳିଛି ଢେଙ୍କାନାଳ ଜିଲ୍ଲା କାମାକ୍ଷାନଗର ଥାନା ଅନ୍ତର୍ଗତ ବାଇସିଙ୍ଗା ଗାଁରେ।</p> <p>ଗାଁର ସଞ୍ଜୟ ଦାସଙ୍କୁ ଗତକାଲି ସଂଧ୍ୟାରେ ସାପ କାମୁଡ଼ି ଦେଇଥିଲା। ଏହା ଜାଣିବା ପରେ ପରିବାର ଲୋକେ ତାଙ୍କୁ କାମାକ୍ଷାନଗର ଡାକ୍ତରଖାନାରେ ଭର୍ତ୍ତି କରିଥିଲେ। &nbsp;ସେଠାରେ ଡାକ୍ତର ସଞ୍ଜୟଙ୍କ ଚିକିତ୍ସା କରିଥିଲେ।</p> <p>ତଥାପି ପରିବାର ଲୋକଙ୍କ ମନ ବୁଝି ନଥିଲା।&nbsp; ପାଖ ଗାଁର ଜଣେ ଗୁଣିଆଙ୍କୁ ଡାକି ଡାକ୍ତରଖାନାରେ ଝଡ଼ାଫୁଙ୍କା କରାଇଥିଲେ।</p> <p>ସଞ୍ଜୟ ଏବେ ସୁସ୍ଥ ଅଛନ୍ତି।</p>