ଛଟପଟ ହେଉଥିଲେ ଦୁର୍ଘଟଣାରେ ଆହତ ଡ୍ରାଇଭର: ସାହାଯ୍ୟ ବଦଳରେ ଜିନିଷ ଲୁଟିବାରେ ଲାଗିଗଲେ ଲୋକେ

<p>ଅନୁଗୋଳ(ବିରଜା ଦାସ): ଅନୁଗୋଳ ଜିଲ୍ଲା କିଶୋର ନଗର ଥାନା ଡାଳପକା ନିକଟରେ ଏକ ଅଭାବନୀୟ ଘଟଣା ଘଟିଛି। ଆଜି ସକାଳେ ଗୋଟିଏ ଟ୍ରକ ଓ ଏକ ତେଲ ଟ୍ୟାଙ୍କର୍&zwnj; ମଧ୍ୟରେ ଧକ୍କା ହେବା ଫଳରେ ଦୁଇ ଡ୍ରାଇଭର ଗୁରୁତର ଆହତ ସହାୟତା ପାଇଁ ଚିତ୍କାର କରୁଥିଲେ।</p> <p>ହେଲେ ସବୁ ମାନବିକତାକୁ ଭୁଲି କିଛି ଲୋକ ଟ୍ରକ୍&zwnj;ରେ ଥିବା ଜିନିଷ ଲୁଟ୍&zwnj; କରିବାରେ ଲାଗି ପଡ଼ିଥିଲେ। ଯାହା ଆଜିର ସମାଜରେ ମଣିଷର ମନବିକତା ଉପରେ ପ୍ରଶ୍ନ ଉଠାଇଛି।</p> <p>ଦୁର୍ଘଟଣା ପରେ ଗାଡ଼ି ହେଲ୍&zwnj;ପର ଫେରାର ହୋଇଯାଇଥିଲେ। ସାଙ୍ଗେ ସଙ୍ଗେ ଆଖପାଖ ଲୋକେ ସେଠାରେ ଠୁଳ ହୋଇଯାଇଥିଲେ।</p> <p>ଡ୍ରାଇଭର ଦୁଇଜଣ ଗୁରୁତର ଅବସ୍ଥାରେ ତଳେ ପଡ଼ିଥିଲେ। ସେମାନଙ୍କୁ ଡାକ୍ତରଖାନା ନେବା କିମ୍ବା ଆମ୍ବୁଲାନ୍ସକୁ ଫୋନ୍&zwnj; କରିବାକୁ କେହି ଉଚିତ୍&zwnj; ମଣି ନଥିଲେ।</p> <p>ଟ୍ରକ୍&zwnj;ରେ ଥିବା ବିଭିନ୍ନ ପ୍ରକାର ସ୍ନାକ୍ସ ପ୍ୟାକେଟ୍ ଓ ଟ୍ୟାଙ୍କରରୁ ତେଲ ନେବାକୁ ଭିଡ଼ ଜମି ଯାଇଥିଲା। ବିଶେଷ କରି ସ୍ନାକ୍ସ ଟ୍ରକ୍&zwnj; ପାଖରେ ଅଧିକ ଲୋକଙ୍କ ଭିଡ଼ ଜମିଥିଲା।&nbsp; ଯିଏ ଯାହା ପାରିଲା ନେଇଯାଉଥିଲେ। ଜଣେ ଟ୍ରକ୍&zwnj;ରୁ ସ୍ନାକ୍ସ ବାହାର କରି ପକାଇ ଦେଉଥିଲା। ତଳେ ଛିଡ଼ା ହୋଇଥିବା ଲୋକେ ଚିଲ, ଶାଗୁଣା ପରି ଉକ୍ତ ପ୍ୟାକେଟ୍&zwnj;କୁ ନେବାକୁ ଟଣାଓଟରା ହେଉଥିଲେ।</p> <p>ପରେ ଖବର ପାଇ ପୂଲିସ ଆସି ଘଟଣା ସ୍ଥଳରେ ପହଞ୍ଚିବା ପରେ ଆମ୍ବୁଲାନ୍ସରେ ଦୁଇ ଡ୍ରାଇଭର୍&zwnj;ଙ୍କୁ ଡାକ୍ତରଖାନା ନେଇଥିଲା।</p>