ଭୁବନେଶ୍ୱର (ଓଡ଼ିଶା ରିପୋର୍ଟର): ରାଜଧାନୀ ଭୁବନେଶ୍ୱରରେ ଗୁରୁତର ରୋଗୀଙ୍କୁ କୌଣସି ଘରୋଇ ହସ୍ପିଟାଲ ଆଡମିଶନ୍ ନକଲେ ଜଣାନ୍ତୁ। ଏଥିପାଇଁ ଟୋଲ୍ ଫ୍ରି ନଂ-୧୦୦କୁ ଜଣାଇବାକୁ ଟ୍ୱିଟ୍ ଯୋଗେ ଲେଖିଛନ୍ତି ମୁଖ୍ୟ ଶାସନ ସଚିବ ଅସୀତ ତ୍ରିପାଠୀ। ମୁଖ୍ୟ ସଚିବଙ୍କ ଟ୍ୱିଟ୍ ଉପରେ ରି-ଟ୍ୱିଟ୍ କଲେ ପୁଲିସ କମିଶନର ଡକ୍ଟର ସୁଧାଂଶୁ ଷଡଙ୍ଗୀ। କେହି ହସ୍ପିଟାଲ ଆଡମିଶନ ନକଲେ ୧୦୦କୁ ଜଣାଇବାକୁ ପୁଲିସ କମିଶନର କହିଲେ। ଭୁବନେଶ୍ୱର ବାହାରୁ ଆସୁଥିବା ରୋଗୀଙ୍କୁ ଆଡମିଶନ ନକଲେ ୧୦୦କୁ ଜଣାନ୍ତୁ, ଆମ କର୍ମଚାରୀଙ୍କୁ ସହାୟତା କରିବାକୁ କୁହାଯାଇଛି ବୋଲି ସିପି ଲେଖିଛନ୍ତି।
https://twitter.com/SarangiSudhansu/status/1284437873811312640?s=20
ଓଡ଼ିଶାର ପ୍ରାଣ କେନ୍ଦ୍ର ହେଉଛି ଭୁବନେଶ୍ୱର। ମହାମାରୀ ‘କରୋନା’ ସମୟରେ ଏଠାକୁ ଆସୁଥିବା ଗୁରୁତର ରୋଗୀଙ୍କୁ ଘରୋଇ ହସ୍ପିଟାଲ୍ ଚିକିତ୍ସା କରୁନାହାନ୍ତି। ଯାହା ଫଳରେ ଦୂରଦୂରାନ୍ତରୁ ଆସୁଥିବା ରୋଗୀମାନେ ନାନା ଅସୁବିଧାରେ ସମ୍ମୁଖୀନ ହେଉଛନ୍ତି। ଏନେଇ ବିଭିନ୍ନ ମହଲରେ ଉଦ୍ବେଗ ପ୍ରକାଶ କରିଥିବା ରାଜ୍ୟ ସରକାର ଏପରି ପଦକ୍ଷେପ ନେଇଛନ୍ତି।