ଗଛରେ ବାନ୍ଧି ପିଟିଲେ: ମରିଯିବା ପରେ ଗାତରେ ଫିଙ୍ଗିଦେଲେ

<p>କେନ୍ଦୁଝର(ଓଡ଼ିଶା ରିପୋର୍ଟର): କେନ୍ଦୁଝର ଜିଲ୍ଲା ବାମେବାରୀ ଥାନା ଅନ୍ତର୍ଗତ ପୀଢପୋଖରୀ ଗାଁରେ ଗୁଣି ଗାରେଡ଼ି ସନ୍ଦେହରେ ଜଣଙ୍କୁ ନିର୍ମମ ଭାବେ ପିଟିପିଟି ହତ୍ୟା କରାଯାଇଛି।</p> <p>ମୃତକ ଜଣଙ୍କ ହେଲେ ପୀଢପୋଖରୀ ଗାଁର ସୁଦାମ ମୁଣ୍ଡା। ଖବର ପାଇ ପୁଲିସ୍&zwnj; ଗାଁରେ ପହଞ୍ଚି ମୃତଦେହ ଉଦ୍ଧାର କରିଛି। ଏହି ଘଟଣାରେ ପୁଲିସ୍&zwnj; ୪ଜଣଙ୍କୁ ଗିରଫ କରି ଘଟଣାର ତଦନ୍ତ ଆରମ୍ଭ କରିଛି।</p> <p>ଅଭିଯୋଗ ଅନୁଯାୟୀ, ଗାଁର ଟୁଟୁ ମୁଣ୍ଡାଙ୍କ ମାଆ ଦେହ କିଛିଦିନ ହେଲା ଖରାପ ରହିଥିଲା। ପରେ ତାଙ୍କର ମୃତ୍ୟୁ ଘଟିଥିଲା। ଗୁଣିଗାରେଡ଼ି କରି ସୁଦାମ ତାଙ୍କ ମାଆକୁ ମାରି ଦେଇଥିବା ଟୁଟୁ ସନ୍ଦେହ କରୁଥିଲେ।</p> <p>ଗତକାଲି ଟୁଟୁ ଓ ତାଙ୍କର ୩ ଜଣ ସମ୍ପର୍କୀୟ ଭାଇ ସେଣ୍ଡ ମୁଣ୍ଡା, ଦୁର୍ଗା ମୁଣ୍ଡା ଓ ମିଶ୍ର ମୁଣ୍ଡା ସହ ମିଶି ସୁଦାମଙ୍କୁ ଏକ ପଣସ ଗଛରେ ବାନ୍ଧି ନିସ୍ତୁକ ମାଡ଼ ମାରିଥିଲେ। ଫଳରେ ତାଙ୍କର ମୃତ୍ୟୁ ହୋଇଯାଇଥିଲା।</p> <p>ପରେ ସେମାନେ ମୃତଦେହକୁ ନେଇ ଏକ ଗାତରେ ଫିଙ୍ଗି ଦେଇଥିଲେ ବୋଲି ଅଭିଯୋଗ ହୋଇଥିଲା। ଆଜି ପୁଲିସ୍&zwnj; ଶବ ଜବତ କରିବା ସହ ଅଭିଯୁକ୍ତମାନଙ୍କୁ ଗିରଫ କରିଛି।</p>