ଭୁବନେଶ୍ୱର(ଓଡ଼ିଶା ରିପୋର୍ଟର): ଚାକିରି ଦେବା ନାଁ ରାଜଧାନୀ ଭୁବନେଶ୍ୱରରେ ଜଣେ ଯୁବତୀଙ୍କୁ ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି। ଏନେଇ ଲକ୍ଷ୍ମୀସାଗର ଥାନାରେ ଲିଖିତ ଅଭିଯୋଗ ହେବା ପରେ ପୁଲିସ ମାମଲା ରୁଜୁ କରି ଆଜି ଅଭିଯୁକ୍ତ ଜୟ କୁମାରକୁ ଗିରଫ କରିଛି। ଗିରଫ ଜୟଙ୍କ ଘର ଉତ୍ତର ପ୍ରଦେଶରେ।
ପୂରା ଘଟଣା ଏମିତି। ପୂର୍ବରୁ ଜୟ କୁମାର ଛତିଶଗଡ଼ରେ ଏକ ଫାଇନାନ୍ସ କମ୍ପାନୀରେ କାମ କରୁଥିଲେ। ତାଙ୍କ ସହିତ ପଦ୍ମା(ଛଦ୍ମନାମ) ନାମକ ଜଣେ ଯୁବତୀ ମଧ୍ୟ କାମ କରୁଥିଲେ। ପରେ ଜୟ କୁମାର ଭୁବନେଶ୍ୱର ଆସି ଆଉ ଏକ ଫାଇନାନ୍ସ କମ୍ପାନୀରେ କାମ କରୁଥିଲେ। ଏଠାରେ ଚାକିରି ଦେବା ଆଳରେ ପଦ୍ମାଙ୍କୁ ଭୁବନେଶ୍ୱର ଡାକିଥିଲେ ଜୟ। ଆଉ ଚାକିରି ପାଇବା ଆଶାରେ ଛତିଶଗଡ଼ ରାଜ୍ୟ ରାୟପୁରରୁ ଧାଇଁ ଆସିଥିଲେ ପଦ୍ମା। ଇଣ୍ଟଭ୍ୟୁ ବାହାନାରେ ଭୁବନେଶ୍ୱରରେ ଏକ ହୋଟେଲ୍ରେ ତାଙ୍କୁ ଦୁଷ୍କର୍ମ କରାଯାଇଥିଲା। ଏନେଇ ସେ ଥାନାରେ ଲିଖିତ ଅଭିଯୋଗ କରିବା ପରେ ପୁଲିସ ମାମଲା ରୁଜୁ କରି ଅଭିଯୁକ୍ତ ଯୁବକକୁ ଗିରଫ କରି ଡାକ୍ତରୀମାଇନା ପାଇଁ ପଠାଇଛି।