ସାବିତ୍ରୀ ବ୍ରତ ହେଲା କାଳ: ଘରକୁ ଆସି ଫସିଗଲେ ଏଟିଏମ୍‌ ଲୁଟେରା

<p>ବ୍ରହ୍ମପୁର(ଜଗନ୍ନାଥ ସାହୁ): ମଙ୍ଗଳବାର ସାବିତ୍ରୀ ଅମାବାସ୍ୟା&nbsp; ବେଶ ଧୂମଧାମରେ ପାଳନ କରିଛନ୍ତି ଦମ୍ପତି। ହେଲେ ଏହି ସାବିତ୍ରୀ ଅମାବାସ୍ୟା ଜଣେ&nbsp; ଏଟିଏମ୍&zwnj; ଲୁଟେରା ପାଇଁ କାଳ ହୋଇଛି। ଏହି ଫେରାର ଲୁଟେରା ଜଣଙ୍କ ଘରକୁ ଆସି ପୋଲିସ ହାତରେ ଧରିପଡ଼ିଛି। ଅଭିଯୁକ୍ତ ଜଣଙ୍କ ହେଉଛି କନ୍ଧମାଳ ଟିକାବାଲି ଅଞ୍ଚଳର ପ୍ରଭାକର ପ୍ରଧାନ। ତା&rsquo; ନିକଟରୁ ପୋଲିସ ୨ ଲକ୍ଷ ଟଙ୍କା, ୧୩ଟି ଏଟିଏମ୍ କାର୍ଡ ଓ ଗୋଟିଏ ବାଇକ୍ ଜବତ କରିଛି।</p> <p>ପ୍ରଭାକର ବ୍ରହ୍ମପୁରରେ ଭଡ଼ାରେ ରହି ଆଖପାଖ ଅଞ୍ଚଳର ଏଟିଏମରୁ ଲୁଟ୍ କରୁଥିଲା। ଭଲଭାବେ ଏଟିଏମ୍ ବ୍ୟବହାର କରି ଜାଣୁ ନ ଥିବା ଲୋକଙ୍କଠାରୁ ଏଟିଏମ୍ କାର୍ଡ ଓ ପାସ୍ଓ୍ୱାର୍ଡ ନେଇ ଚାଲାକି କରି ସେ ଟଙ୍କା ଉଠାଇ ନେଉଥିଲା।</p> <p>ଜଣେ ମହିଳାଙ୍କ ଅଭିଯୋଗ ପରେ ପୋଲିସ ପ୍ରଭାକରର କାରସାଦି ବିଷୟରେ ଜାଣିପାରିଥିଲା। ହେଲେ ପୋଲିସକୁ ଚକମା ଦେଇ ସେ ଫେରାର ହୋଇଯାଇଥିଲା। ସାବିତ୍ରୀ ଅମାବାସ୍ୟା ପାଇଁ ଘରକୁ ଆସିଥିବା ବେଳେ ପୋଲିସ ହାତରେ ସେ ଧରାପଡ଼ିଥିଲା।&nbsp; ତା&rsquo;ର ଜଣେ ସହଯୋଗୀ ଶଙ୍କର୍ଷଣ ସାହୁ ଏବେ ବି ଫେରାର ଅଛି।</p> <p>&amp;nbsp;</p> <p>&amp;nbsp;</p>