ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ବାର୍ ନାଁରେ ସେକ୍ସ କାରବାର। ୱେବସାଇଟରୁ ବୁକିଂ ହୋଇ ଲଜ୍‌କୁ ଆସୁଥିଲେ ଯୁବତୀ ଓ ଗ୍ରାହକ। ବାର୍‌ରେ ଡ୍ୟାନ୍ସ ବେଳେ ପସନ୍ଦ ହେଲେ ଉପର ଫ୍ଲୋରରେ ମିଳୁଥିଲା ଲଜ୍‌। ଆଉ ସେଠାରେ ଚାଲୁଥିଲା ଦେହ ବେପାର। ଏଥିପାଇଁ ଉଭୟଙ୍କୁ ଦିଆଯାଉଥିଲା ସ୍ୱତନ୍ତ୍ର ସୁରକ୍ଷା। ଏପରି ବେପାର ଆମ ସ୍ମାର୍ଟ ସିଟି ଭୁବନେଶ୍ୱରରେ ଚାଲିଥିଲା। ଗତକାଲି ପୋଲିସ ଚଢ଼ାଉ କରି ଏକ ବାର୍‌ ମ୍ୟାନେଜରଙ୍କ ସମେତ ୯ ଜଣଙ୍କ ଗ୍ରହକଙ୍କୁ ଗିରଫ କରାଯାଇଛି। ଏହାଛଡ଼ା ୫ ବଙ୍ଗୀୟ ଯୁବତୀଙ୍କୁ ମଧ୍ୟ ଉଦ୍ଧାର କରାଯାଇଛି। ଏହା ପରେ ପୂରା ଘଟଣା ଉପରୁ ପର୍ଦ୍ଦା ହଟିଥିଲା।</p> <p>ବାର୍‌ ନାଁରେ ଚାଲିଥିଲା ସେକ୍ସ ରାକେଟ୍‌। ଏଥିପାଇଁ ଏକ ୱେବସାଇଟ ରହିଥିଲା। ଯେଉଁଥିରେ ରହିଥିଲା ଦଲାଲଙ୍କ ଫୋନ୍‌ ନମ୍ୱର। ଆଉ ଏହିଥିରୁ ମନ ପସନ୍ଦର ଝିଅ ବୁକିଂ ହେଉଥିଲା। ଗ୍ରାହକମାନେ ଦଲାଲଙ୍କ ଜରିଆରେ ସନ୍ଦରୀ ଝିଅଙ୍କୁ ପସନ୍ଦ କରୁଥିଲେ। ତା’ପରେ ବାର୍‌କୁ ଆସୁଥିଲେ। ସେଠାରେ ଦଲାଲଙ୍କ ଜରିଆରେ ଦର ଛିଡ଼ୁ ଥିଲା। ରେଟ ଫିକ୍ସ ହେଲା ପରେ ଯୁବତୀ ଓ ଗ୍ରାହକଙ୍କୁ ବାର ଉପର ଫ୍ଲୋରରେ ଲଜ୍ ମିଳୁଥିଲା। ଗ୍ରାହକଙ୍କୁ ଲଜ ପାଖକୁ ଆଣିବା ପାଇଁ ସ୍ୱତନ୍ତ୍ର କାର୍‌ ବ୍ୟବହାର କରାଯାଉଥିଲା। ରେଟ୍‌ ୨୦୦୦ ଟଙ୍କାରୁ ଆରମ୍ଭ କରି ୨୦ ହଜାର ଟଙ୍କା ପର୍ଯ୍ୟନ୍ତ ରହୁଥିଲା। ଯେଉଁଥିରେ ଦେଶୀ, ବିଦେଶୀ ଓ ରସିଆନ୍ ଯୁବତୀଙ୍କୁ ବି ନିଯୋଜିତ କରାଯାଉଥିବା ଅଭିଯୋଗ ହେଉଛି।</p> <p>ରାଜଧାନୀରେ କେତେ ଗୁଡିଏ ବାର ଲାଇସେନ୍ସ ନଥାଇ ଚାଲୁଥିବା ବେଳେ ଆଉ କେତେ ଗୁଡିଏ ଲାଇସେନ୍ସ କଣ୍ଡିସନ ଉଲ୍ଲଂଘନ କରି ଚଳାଉଥିଲେ। ଏସବୁ ସୂଚନା ଆଧାରରେ ଚଢାଉ କରିଥିଲା ପୋଲିସ। ସେପଟେ ପୋଲିସ କହିଛି ବିନା ଲାଇସେନ୍ସରେ କିପରି ଡାନ୍ସ ବାର ଚାଲୁଥିଲା। ସେନେଇ କାର୍ଯ୍ୟାନୁଷ୍ଠାନ ନିଆଯିବ। ଏହାସହିତ କେତେ ଗୁଡିଏ ବାରର ଲାଇସେନ୍ସ ରଦ୍ଦ କରିବା ପାଇଁ ମଧ୍ୟ ବିଭାଗକୁ ଲେଖାଯିବ ବୋଲି ଭୁବନେଶ୍ୱର ଡିସିପି ଅନୁପ କୁମାର ସାହୁ କହିଛନ୍ତି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
