ଲୁଟ୍‌ ଯୋଜନା ପଣ୍ଡ: ହାଇୱେ ଲୁଟେରା ଗିରଫ

<p>ଜୟପୁର( ଟି.ଗୌରି ଶଙ୍କର): କୋରାପୁଟ ଜିଲ୍ଲା ବୋରିଗୁମ୍ମାରୁ ଏକ ହାଇୱେ ଲୁଟେରା ଗ୍ୟାଙ୍ଗକୁ ଗିରଫ କରିଛି ପୋଲିସ୍&zwnj;। ଲୁଟ୍ ପାଇଁ ଯୋଜନା କରୁଥିବା ବେଳେ ପୋଲିସ ୪ ଜଣଙ୍କୁ ଗିରଫ କରିଥିବା ବେଳେ ୩ ଜଣ ଫେରାର ହୋଇଯାଇଛନ୍ତି। ଗିରଫ ଅଭିଯୁକ୍ତ ହେଲେ କାଳିଆ ହୋତା, ବିମଳ ହରିଜନ, ରବିନ୍ଦ୍ର ବାରିକ ଓ ଅଶ୍ୱିନୀ ଖୋରା। ସେହିପରି ଫେରାର ହୋଇଯାଇଥିବା ଲୁଟେରାମାନେ ହେଲେ ସଞ୍ଜୟ ସୁନା, ପ୍ରିନ୍ସ ଓ ବିକି। ସେମାନଙ୍କ ପାଖରୁ ଗୋଟିଏ ବୋଲେରୋ, ଖଣ୍ଡା ଓ ପିସ୍ତଲ ଭଳି ଅନେକ ମାରଣାସ୍ତ୍ର ଜବତ କରାଯାଇଛି। ଫେରାର ଲୁଟେରାଙ୍କୁ ଧରିବାକୁ ତନାଘନା ଚଳାଇଛି ବୋରିଗୁମ୍ମା ପୋଲିସ।</p> <p>ବୋରିଗୁମ୍ମା ଥାନା ଅଧିକାରୀ ସାଗରିକା ନାଥ କହିଛନ୍ତି,&ldquo;ବୋରିଗୁମ୍ମାରେ ହାଇୱେ ଲୁଟେରା ଗ୍ୟାଙ୍ଗ ଲୁଟ୍ ପାଇଁ ଯୋଜନା କରୁଥିବା ଆମେ ଖବର ପାଇ ଚଢ଼ାଉ କରିଥିଲୁ। ସେମାନଙ୍କ ମଧ୍ୟରୁ୪ ଜଣଙ୍କୁ ଗିରଫ &nbsp;କରାଯାଇଥିଲା ଓ ୩ ଜଣ ଫେରାର ହୋଇଯାଇଥିଲେ। ସେମାନଙ୍କ ପାଖରୁ&nbsp; ପିସ୍ତଲ, ଦୁଇଟି ଖଣ୍ଡା,ଢେଙ୍ଗାବାଡ଼ି ଓ ଗୋଟିଏ ବୋଲେରୋ ଜବତ କରାଯାଇଛି।&nbsp; ଘଟଣାର ତଦନ୍ତ ଚାଲିଛି।&rdquo;</p> <p>&amp;nbsp;</p>