ବଲାଙ୍ଗିର (ସସ୍ମିତା ସାହୁ): ସବୁ ଆଇନ୍ କାନୁନ୍କୁ ଫୁ’ କରି ପୁଣି ବଲାଙ୍ଗିର ସହରରେ କାୟା ବିସ୍ତାର କରିବାରେ ଲାଗିଛି ପଲିଥିନ। ଯେଉଁଠି ଦେଖିବ ମାଳ ମାଳ ପଲିଥିନ ପଡ଼ିଛି। ଗତ କିଛିଦିନ ତଳେ ସହର ମଧ୍ୟରେ ପଲିଥିନ ବ୍ୟବହାର ଉପରେ କଟକଣା ଲଗାଯାଇଥିଲା। ହେଲେ ଦୋକାନ, ବଜାର ସବୁଠି ଖୁଲମ ଖୁଲା ପଲିଥିନ ବ୍ୟବହାର କରାଯାଉଥିବା ଅଭିଯୋଗ ହେଉଛି।
ସହରର ବିଭିନ୍ନ ଗଳି କନ୍ଦିରେ ଯେଉଁ ସବୁ ଅଳିଆ ଜମୁଛି ସେଥିରେ ପଲିଥିନର ମାତ୍ରା ଅଧିକ। ବିଭିନ୍ନ ନାଳ, ନର୍ଦ୍ଦମା, ପୋଖରୀ ତଥା ବିଭିନ୍ନ ଜଳାଶୟ ନିକଟରେ ପଲିଥିନ ଜମା ହୋଇ ରହିଥିବା ଦ୍ୱାରା ପାଣି ଦୂଷିତ ହେବାରେ ଲାଗିଛି। ଏପରି ସ୍ଥିତିରେ ସହର ମଧ୍ୟରେ ପଲିଥିନ ବ୍ୟବହାରକୁ ନିଷେଧ କରିବା ପାଇଁ ଜାଗାଜାଗାରେ ସଭା, ସମିତି ଆୟୋଜନ କରାଇ ଲୋକଙ୍କୁ ସଚେତନ କରାଯାଉଛି। ହେଲେ ଏହାର ଲାଭ କିଛି ହେଉନାହିଁ। ପ୍ରଶାସନ ମଧ୍ୟ କୌଣସି ଉଚିତ ପଦକ୍ଷେପ ନେଉନାହିଁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
