ଓଡ଼ିଶାରେ ବନ୍ଦ ହେବ ପୋଷ୍ଟାଲ ପ୍ରିଣ୍ଟିଂ ପ୍ରେସ୍‌

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ଓଡ଼ିଶାରେ ବନ୍ଦ ହେବ ଆଉ ଏକ କେନ୍ଦ୍ରୀୟ ଅନୁଷ୍ଠାନ। ମଞ୍ଚେଶ୍ୱର ଶିଳ୍ପାଞ୍ଚଳରେ ଥିବା ପୋଷ୍ଟାଲ ପ୍ରିଣ୍ଟିଂ ପ୍ରେସକୁ ବନ୍ଦ କରିଦେବା ଲାଗି&nbsp; ନିଷ୍ପତ୍ତି ନେଇଛନ୍ତି କେନ୍ଦ୍ର ସରକାର। ଦେଶର ଏକମାତ୍ର ପୋଷ୍ଟାଲ ପ୍ରେସ୍ ଭାବେ ଏଠାରୁ ଡାକ ବିଭାଗ ଲାଗି ଆବଶ୍ୟକ ଫର୍ମ, ଲଫାପା, ପାସ୍ ବୁକ୍ ଓ ଅନ୍ୟାନ୍ୟ ସାମଗ୍ରୀ ଛପା ଯାଉଥିଲା। ତେବେ କେନ୍ଦ୍ର ସରକାର ହଠାତ୍ କାହିଁକି ଏହାକୁ ବନ୍ଦ କରିଦେବାକୁ ନିଷ୍ପତ୍ତି ନେଲେ ତାହା ସ୍ପଷ୍ଟ ହୋଇନି।</p> <p>&lt;a href=&quot;&quot;&gt;(image) &lt;/a&gt;୧୯୮୬ ମସିହାରେ ଭୁବନେଶ୍ୱର ମ଼ଞ୍ଚେଶ୍ୱର ଶିଳ୍ପାଞ୍ଚଳରେ ପ୍ରତିଷ୍ଠା ହୋଇଥିଲା ପୋଷ୍ଟାଲ ପ୍ରିଣ୍ଟିଂ ପ୍ରେସ୍&zwnj;। ଏହାକୁ ବନ୍ଦ କରିବା ପାଇଁ ଡାକ ବିଭାଗ ପକ୍ଷରୁ ଓଡ଼ିଶା ସର୍କଲ ମୁଖ୍ୟ ମହାଡାକପାଳଙ୍କୁ ଜଣାଇ ଦିଆଯାଇଛି। ପ୍ରେସ୍ ବନ୍ଦ ହେବାକୁ ଯାଉଥିବାରୁ ଆଉ ଛପା ସାମଗ୍ରୀ ନକିଣିବା ଲାଗି କର୍ତ୍ତୃପକ୍ଷଙ୍କୁ କୁହାଯାଇଛି। ସେହିପରି ଗଚ୍ଛିତ ଥିବା ଛପା ସାମଗ୍ରୀକୁ ଶୀଘ୍ର ଶେଷ କରିବାକୁ ନିର୍ଦ୍ଦେଶ ଦିଆଯାଇଛି। ଏପର୍ଯ୍ୟନ୍ତ ପ୍ରେସ ବନ୍ଦ ନେଇ ତାରିଖ ଘୋଷଣା ହୋଇନାହିଁ। କିନ୍ତୁ ଅତି ଶୀଘ୍ର ଯେ ପ୍ରେସ୍&zwnj;ରେ ତାଲା ଝୁଲିବାକୁ ଯାଉଥିବା ସ୍ପଷ୍ଟ ହେଉଛି। ଅନ୍ୟପକ୍ଷରେ ଏଠାରେ କାର୍ଯ୍ୟରତ ୧୪୬ ଜଣ କର୍ମଚାରୀ କେନ୍ଦ୍ରର ନିଷ୍ପତ୍ତିକୁ ବିରୋଧ କରିଛନ୍ତି।</p> <p>&lt;a href=&quot;http://odishareporter.in/wp-content/uploads/2018/05/postal-printing-press-may-be-closed-in-odisha21.jpg&quot;&gt;(image) &lt;/a&gt;ମଞ୍ଚେଶ୍ୱର ପ୍ରିଣ୍ଟିଂ ପ୍ରେସ୍&zwnj;ର ନାଁ ସମଗ୍ର ଦେଶରେ ରହିଛି। ସାରା ଦେଶରେ ଆବଶ୍ୟକ ହେଉଥିବା ୧୪,୦୦ ଫର୍ମ ମଧ୍ୟରୁ ଏଠାରେ ପ୍ରାୟ ୪୦୦ ପ୍ରକାର ଫର୍ମ ଛପା ଯାଉଥିଲା। ତେବେ ଉପଯୁକ୍ତ ମେସିନ ଓ କର୍ମଚାରୀଙ୍କ ଅଭାବରୁ ଏଠାରୁ ଆବଶ୍ୟକତା ଅନୁଯାୟୀ ପୋଷ୍ଟାଲ ସାମଗ୍ରୀ ଛପା ଯାଇପାରୁ ନାହିଁ। ସେହିପରି ଏଠାରେ ଏବେ ଆବଶ୍ୟକ ହେଉଥିବା ଅତ୍ୟାଧୁନିକ ମେସିନ ଓ ଅନ୍ୟାନ୍ୟ ସରଞ୍ଜାମ ମଧ୍ୟ ନାହିଁ। ଫଳରେ ସରକାରଙ୍କୁ କ୍ଷତି ସହିବାକୁ ପଡୁଛି। ସେହି ଦୃଷ୍ଟିରୁ ପ୍ରେସକୁ ବନ୍ଦ କରିବା ଲାଗି ନିଷ୍ପତ୍ତି ନିଆଯାଇଥିବା କୁହାଯାଉଛି। ତେବେ ପ୍ରେସ ବନ୍ଦ ହେଲେ ସେମାନଙ୍କୁ କେଉଁଆଡେ ସ୍ଥାନାନ୍ତର କରାଯିବ ଓ ସେମାନଙ୍କ ଭବିଷ୍ୟତ କ&rsquo;ଣ ହେବ ତାକୁ ନେଇ କର୍ମଚାରୀ ଆଶଙ୍କାରେ ରହିଛନ୍ତି।</p> <p>https://youtu.be/zUDQDrEGaAI</p>