ପୋଷ୍ଟର ମାରି ମାଓବାଦୀଙ୍କୁ ଦେଲେ ପ୍ରତିଶୋଧ ଧମକ

<p>ମାଲକାନଗିରି(ଓଡ଼ିଶା ରିପୋର୍ଟର): ମାଲକାନଗିରି ଜିଲ୍ଲା ମହୁପଦରରେ ମାଓ ବିରୋଧୀ ପୋଷ୍ଟର ଦେଖିବାକୁ ମିଳିଛି। &lsquo;ସମ୍ପୂର୍ଣ୍ଣ ହିଂସା ମୁକ୍ତ ଓଡ଼ିଶା ଅଭିଯାନ&rsquo; ପକ୍ଷରୁ ଏହି ପୋଷ୍ଟର ଲାଗିଥିବା ଉଲ୍ଲେଖ ରହିଛି। ଗତ ୧୫ ତାରିଖରେ ପୋଲିସ ଇନ୍&zwnj;ଫର୍ମର ସନ୍ଦେହରେ ଟିମ୍ବୁରପାଲ୍ଲୀ ଗାଁର ଶ୍ରମିକ ଜଗଦୀଶ ସମରଥଙ୍କୁ ମାଓବାଦୀ ମାନେ ହତ୍ୟା କରିଥିଲେ। ଏହାକୁ ବିରୋଧ କରି ଆଜି ପୋଷ୍ଟର ଲଗାଯାଇଛି।</p> <p>&lt;a href=&quot;&quot;&gt;(image) &lt;/a&gt;ପୋଷ୍ଟରରେ ଆଦିବାସୀଙ୍କ ହତ୍ୟାକାରୀ ତଥା ବିକାଶ ବିରୋଧୀ ନକ୍ସଲ ସାବଧାନ ରୁହନ୍ତୁ, ନଚେତ ପରିଣାମ ଭୟଙ୍କର ହେବ ବୋଲି ଲେଖାଯାଇଛି। ବିଶ୍ୱର ସର୍ବଶ୍ରେଷ୍ଠ ଗଣତନ୍ତ୍ରରେ ବିଶ୍ୱାସ କରୁନଥିବାରୁ ମାଓବାଦୀ କେଉଁ ଅଧିକାରରେ ଆଦିବାସୀ ଶ୍ରମିକ ଜଗଦୀଶ ସମରଥଙ୍କୁ ହତ୍ୟା କଲେ ବୋଲି ଏହି ମାଓ ବିରୋଧୀ ସଂଗଠନ ପ୍ରଶ୍ନ କରିଛି। ଜଗଦୀଶ ମାଓବାଦୀଙ୍କ ସହିତ କାର୍ଯ୍ୟ କରିବାରୁ ମନା କରିବାରୁ ମାଓବାଦୀ ତାଙ୍କୁ ହତ୍ୟା କରିଥିବା ଏହି ସଂଗଠନ ତରଫରୁ ଅଭିଯୋଗ କରାଯାଇଛି।</p> <p>&lt;a href=&quot;http://odishareporter.in/wp-content/uploads/2018/05/IMG-20180530-WA0015.jpg&quot;&gt;(image) &lt;/a&gt;ଘରର ଏକ ମାତ୍ର ରୋଜଗାରିଆ ପୁଅ ଥିଲେ ଜଗଦୀଶ। ତାଙ୍କ ମୃତ୍ୟୁ ପରେ ତାଙ୍କ ବାପା, ମାଆ, ପତ୍ନୀ ଓ ଦୁଇ ଝିଅ ଅସହାୟ ହୋଇପଡିଛନ୍ତି। ମାଓବାଦୀଙ୍କ ଏଭଳି କାର୍ଯ୍ୟକୁ ବରଦାସ୍ତ କରିବ ନାହିଁ ଏବଂ ଜଗଦୀଶ ହତ୍ୟା ମାମଲାର ପ୍ରତିଶୋଧ ନିଆଯିବ ବୋଲି ବୋଲି ପୋଷ୍ଟରରେ ଉଲ୍ଲେଖ କରାଯାଇଛି। ନକ୍ସଲ ବିରୋଧରେ ଏକତ୍ରିତ ହୋଇ ନକ୍ସଲ ମୁକ୍ତ ଓଡ଼ିଶା ଶକ୍ତିଶାଳୀ ଏବଂ ବିକଶିତ ଓଡ଼ିଶା ଗଠନ ନିମନ୍ତେ ପୋଷ୍ଟରରେ ଅନୁରୋଧ କରାଯାଇଛି।</p> <p>&amp;nbsp;</p> <p>&amp;nbsp;</p>