ଚମକିଲେ ଓଡ଼ିଆ ଝିଅ ପ୍ରିୟାଂଶି

ଭୁବନେଶ୍ୱର(ଓଡ଼ିଶା ରିପୋର୍ଟର): କମାଲ ଦେଖାଇଲେ ଓଡ଼ିଆ ଝିଅ। ଆନ୍ତର୍ଜାତୀୟ ମଞ୍ଚରେ ଦେଖିବାକୁ ମିଳିଛି ଓଡ଼ିଶା ଝିଅର ସମ୍ବଲପୁରୀ ନୃତ୍ୟର ଝଲକ। ସାରା ଦେଶର ୬୪୦୦ କୁନି କଳାକାରଙ୍କୁ ପଛରେ ପକାଇ ପ୍ରଥମ ୧୫ ଜଣଙ୍କ ମଧ୍ୟରେ ସ୍ଥାନ ପାଇଛନ୍ତି ଓଡ଼ିଆ ଝିଅ ପ୍ରିୟାଂଶି।

ନୂଆ ଦିଲ୍ଲୀରେ ନଭେମ୍ବର  ୧୩ ତାରିଖରେ ଆୟୋଜିତ 3III ଇଣ୍ଟରନେସନାଲ ଇଣ୍ଡିଆନ ଆଇକନ କାର୍ଯ୍ୟକ୍ରମରେ ଦେଖିବାକୁ ମିଳିଲା ସମ୍ବଲପୁରୀ ନୃତ୍ୟର ଝଲକ। ଓଡ଼ିଶାର କୁନି ପ୍ରତିଭା ୯ ବର୍ଷୀୟ ପ୍ରିୟାଂଶି ଜେନା ଫାଇନାଲ ରାଉଣ୍ଡକୁ ନମୋନୀତ ହୋଇଥିବା ବେଳେ ପ୍ରଥମ ୧୫ ଜଣଙ୍କ ମଧ୍ୟରେ ସ୍ଥାନ ପାଇଥିଲେ। ପ୍ରିୟାଂଶି ଭୁବନେଶ୍ୱର ଏସ.ଜେ ଡ୍ୟାନ୍ସ ଏକାଡେମୀର ଛାତ୍ରୀ। ଆନ୍ତର୍ଜାତୀୟ ଟାଲେଣ୍ଟ ହଣ୍ଟରେ ପ୍ରିୟାଂଶି  ସମ୍ବଲପୁରୀ ନୃତ୍ୟ ପରିବେଷଣ କରି ବିଚାରକଙ୍କୁ ବିମୋହିତ କରିଥିଲେ।

 

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।