ପେଟ୍ରୋଲ ପମ୍ପ ଚଳାଇବେ କଏଦୀ!

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ଆଜୀବନ ଜେଲ ଦଣ୍ଡ ଭୋଗୁଥିବା କଏଦୀ ଏବେ ଚଳାଇବେ ପେଟ୍ରୋଲ ପମ୍ପ। କଥାଟା ଆପଣଙ୍କ ମନରେ ଅନେକ ପ୍ରଶ୍ନବାଚୀ ସୃଷ୍ଟି କରିପାରେ। ମାତ୍ର କଥାଟା ସମ୍ପୂର୍ଣ୍ଣ ସତ। ଓଡିଶା ଜେଲ୍ ବିଭାଗ ଜେଲ୍ ସଂସ୍କାର ଓ ଥଇଥାନ ଯୋଜନା ଅନୁଯାୟୀ ଆଜିବନ କଏଦୀମାନଙ୍କୁ ଏପରି ନିଯୁକ୍ତି ଦେବେ। ଏନେଇ ଜେଲ୍&zwnj; ବିଭାଗ ତରଫରୁ ରାଜ୍ୟ ସରକାରଙ୍କୁ ପ୍ରସ୍ତାବ ଦିଆଯାଇଛି।</p> <p>&lt;a href=&quot;&quot;&gt;(image) &lt;/a&gt;ଓଡ଼ିଶାର ପଡୋଶୀ ରାଜ୍ୟ ତେଲେଙ୍ଗାନା। ଏଠାରେ ପେଟ୍ରୋଲ ପମ୍ପରେ କାମ କରୁଛନ୍ତି ଆଜିବନ ଜେଲଦଣ୍ଡ ପାଇଥିବା କଏଦୀ। ଏଭଳି ୧୦ରୁ ଅଧିକ ପେଟ୍ରୋଲ ପମ୍ପକୁ ଚଳାଉଛନ୍ତି କଏଦୀ। ଜେଲ୍ ସଂସ୍କାର ଓ ଥଇଥାନ ଯୋଜନା ଅନୁଯାୟୀ ନିଆଯାଇଥିବା ଏହି ପଦକ୍ଷେପ ତେଲେଙ୍ଗାନାରେ ଠିକ୍ ଭାବେ କାର୍ଯ୍ୟ କରାଯାଉଛି। ତେଲେଙ୍ଗାନା ସରକାରଙ୍କ ପଦକ୍ଷେପକୁ ଆପଣେଇବାକୁ ଚେଷ୍ଟା କରୁଛନ୍ତି ଓଡ଼ିଶା। ଏଥିପାଇଁ ପାଇଲଟ ପ୍ରୋଜେକ୍ଟ ଭାବେ ଜାମୁଝରି, ବାରିପଦା ଓ ବ୍ରହ୍ମପୁର ସର୍କଲ ଜେଲ ବାହାରେ ପୋଟ୍ରୋଲ ପମ୍ପ କରାଯିବ। ଆଜିବନ ସଜା ପାଇଥିବା କଏଦୀଙ୍କ ମଧ୍ୟରୁ ଯାହାର ଆଚରଣ ଓ ବ୍ୟବହାର ଭଲଥିବ, ସେମାନଙ୍କୁ ଏଠାରେ ନିୟୋଜିତ କରାଯିବ। ଜେଲର ଦୁଇଜଣ ଷ୍ଟାଫ ସୁଫର ଭାଇଜର ଓ ଆକାଉଣ୍ଟାଣ୍ଟ ଭାବେ&nbsp; ସେଠାରେ ନିୟୋଜିତ ହେବେ। ସେଥିରୁ ମିଳିବାକୁ ଥିବା ଲାଭାଂଶ ଜେଲର ୱେଲ୍&zwnj;ଫେୟାର ଫଣ୍ଡକୁ ଯିବ। ଏହାସହ କଏଦୀଙ୍କୁ ଇନ୍&zwnj;ସେନଣ୍ଟିଭ ମଧ୍ୟ ଦିଆଯିବ। ୨୦୧୭ ଡିସେମ୍ବର ୨୩ ତାରିଖରେ ଏନେଇ ଜେଲ୍&zwnj; ବିଭାଗ ଗୃହ ବିଭାଗକୁ ଏହି ପ୍ରାଇଲଟ ପ୍ରୋଜେକ୍ଟ କାର୍ଯ୍ୟାକାରୀ କରିବା ପାଇଁ&nbsp; ପ୍ରସ୍ତାବ ଦେଇଥିଲେ।</p> <p>ଜେଲ ସଂସ୍କାର ଓ ଥଇଥାନ ବ୍ୟବସ୍ଥାକୁ ଆହୁରି ସୁଦର ପ୍ରସାରୀ କରିବା ପାଇଁ ଏହି ପଦକ୍ଷେପ ହାତକୁ ନିଆଯାଉଛି। ଏହି ପ୍ରୋଜେକ୍ଟ ପାଇଁ ଆଇଓସିଏଲ, ବିପିସିଏଲ, ଓ ଏଚ୍&zwnj;ପିସିଏଲ୍&zwnj; ଗ୍ରୀନ ସିଗନାଲ ଦେଇସାରିଛନ୍ତି। ସଂପୃକ୍ତ ସଂସ୍ଥା ସେଠାରେ ପେଟ୍ରୋଲ ପମ୍ପ କରିବେ। ଏଥିରେ ଦୁଇଟି ସିଫ୍ଟରେ ୧୫ରୁ ଅଧିକ କଏଦୀ ନିୟୋଜିତ ହେବେ। ତେବେ ଦେଖିବାର କଥା ରାଜ୍ୟ ସରକାର ଏହି ପାଇଲଟ୍&zwnj; ପ୍ରୋଜେକ୍ଟ କେବେ ମଞ୍ଜୁର କରୁଛନ୍ତି।</p>