ଇମ୍ଫା ଭିତରେ କର୍ମଚାରୀ ବନ୍ଦୀ, ବାହାରେ ଆନ୍ଦୋଳନକାରୀଙ୍କ ସଶସ୍ତ୍ର ଗୁଣ୍ଡାଗିରି

<p>ରାୟଗଡ଼ା (ଓଡ଼ିଶା ରିପୋର୍ଟର): &nbsp;ଚାରିଦିନରେ ପହଞ୍ଚିଛି ରାୟଗଡ଼ା ଜିଲ୍ଲା ଥେରୁବାଲି ସ୍ଥିତ ଇମ୍ଫା କାରଖାନା ଆଗରେ ଆନ୍ଦୋଳନ। ଏଥିପାଇଁ କାରଖାନା ପରିସରରେ ଏକପ୍ରକାର ବନ୍ଦୀ ହୋଇ ରହିଛନ୍ତି କର୍ମଚାରୀ। ବାହାରେ ଦାବିପୂରଣ ଆଳରେ ଆନ୍ଦୋଳନକାରୀମାନେ ଚଲାଇଛନ୍ତି ଗୁଣ୍ଡାରାଜ। ଜିଲ୍ଲା ପ୍ରଶାସନ ନିରବ ରହିଥିବା ବେଳେ ଘଟଣା ପଛର ମାଷ୍ଟରମାଇଣ୍ଡ କିଏ ତାକୁ ନେଇ ମଧ୍ୟ ଛିଡ଼ା ହୋଇଛି ଅନେକ ପ୍ରଶ୍ନ।</p> <p>ଗତକାଲି ଆନ୍ଦୋଳନକାରୀ ଭଙ୍ଗାରୁଜା କରିଥିବା ବେଳେ ଆଜି ବୁଲିଛି ଅସ୍ତ୍ରଶସ୍ତ୍ର। କାହା ହାତରେ ଠେଙ୍ଗାବାଡ଼ି ତ ଆଉ କାହା ହାତରେ କଟୁରୀ। ଅଞ୍ଚଳରେ ଉତ୍ତେଜନା ଲାଗି ରହିଥିବାରୁ ଥେରୁବାଲିରେ ଆଜି ଦୋକାନ ବଜାର ବି ବନ୍ଦ ରହିଛି। ଗତକାଲିର ଏଭଳି ହିଂସାକାଣ୍ଡ ପରେ ଆତଙ୍କିତ ଅବସ୍ଥାରେ ଅଛନ୍ତି ସାଧାରଣ ଲୋକ ଏବଂ କାରଖାନା ଭିତରେ ବନ୍ଦୀ ଅବସ୍ଥାରେ ଥିବା କର୍ମଚାରୀ।</p> <p>ତେବେ ଏଭଳି ଘଟଣା ପଛର ରିଂ ମାଷ୍ଟର କିଏ ? ଆନ୍ଦୋଳନ ପଛରେ କୌଣସି ବାହ୍ୟ ଚାପ ନାହିଁ ତ ? ଏ ନେଇ ସନ୍ଦେହ ବଢୁଥିବା ବେଳେ ବିଜେପି ନେତା ଜୟରାମ ପାଙ୍ଗି ଆଜି ସିଧାସଳଖ ତୃତୀୟ ମହଲାକୁ ଟାର୍ଗେଟ୍ କରିଛନ୍ତି।</p> <p>ଅନ୍ୟପକ୍ଷରେ ୪ଦିନ ପରେ ଆଜି ଘଟଣାସ୍ଥଳକୁ ଯାଇ ଆନ୍ଦୋଳନକାରୀଙ୍କ ସହ ଆଲୋଚନା କରିଛନ୍ତି ପ୍ରଶାସନିକ ଅଧିକାରୀ। ରାୟଗଡ଼ା ଓ କୋଲନରା ବିଡିଓଙ୍କ ସହ କୋଲନରା ଅତିରିକ୍ତ ତହସିଲଦାର ଏବଂ ରାୟଗଡ଼ା ଏସ୍&zwnj;ଡିପିଓ ଆନ୍ଦାଳନକାରୀଙ୍କ ସହ ସେମାନଙ୍କ ୯ ଦଫା ଦାବି ସମ୍ପର୍କରେ ଆଲୋଚନା କରିଛନ୍ତି। ଏହାପରେ ବି ସମସ୍ୟାର ସମାଧାନ ପାଇଁ ବାଟ ଫିଟାଇ ପାରିନାହାନ୍ତି ପ୍ରଶାସନିକ ଅଧିକାରୀ।</p> <p>ତେବେ ଶିଳ୍ପାୟନ ସହ ଆଦିବାସୀଙ୍କ ସ୍ୱାର୍ଥ ଏବଂ ସ୍ଥାନୀୟ ଅଞ୍ଚଳର ବିକାଶ ପାଇଁ ଦୀର୍ଘ ୬ ଦଶନ୍ଧି ଧରି କାର୍ଯ୍ୟ କରୁଥିବା ଇମ୍ଫା ବିରୋଧରେ ଏଭଳି ଷଡଯନ୍ତ୍ର ଆଗକୁ କି ରୂପ ନେଉଛି ତାହା ଉପରେ ସମସ୍ତଙ୍କ ନଜର ରହିଛି।</p>