ଆଳି (ବନମାଳୀ ସାହୁ): ମହାମାରୀ ‘କରୋନା’ ଆକ୍ରାନ୍ତ ଚିହ୍ନଟ ହେବା ପରେ କରାଯାଉନି ସାନିଟାଇଜ୍। ଏପରିକି ଅଳିଆ ଆବର୍ଜନା ଉଠା ଯାଉଛି। ଏନେଇ ଅଭିଯୋଗ କଲେ ମଧ୍ୟ କେହି ଶୁଣୁନାହାନ୍ତି। ଏନେଇ ଅଭିଯୋଗ ଆସିଛି କେନ୍ଦ୍ରାପଡ଼ା ଜିଲ୍ଲାରୁ।
ଆଳି ବ୍ଲକ ଅନ୍ତର୍ଗତ ନିଆଳ ପଞ୍ଚାୟତର ଜାଭିୟର୍ ଇଣ୍ଟର ନ୍ୟାସନାଲ ସ୍କୁଲରେ ଏକ ସଙ୍ଗରୋଧ କେନ୍ଦ୍ର କରାଯାଇଛି। ଏହି କେନ୍ଦ୍ରରେ ୫୦ଜଣ ପ୍ରବାସୀ ରହିଛନ୍ତି। ଆଜି ସେମାନଙ୍କ ଭିତରୁ ଦୁଇ ଜଣଙ୍କୁ ‘କରୋନା’ ହୋଇଥିବା ସ୍ପଷ୍ଟ ହୋଇଛି। ରିପୋର୍ଟ ପଜିଟିଭ୍ ଆସିବା ପରେ ସେମାନଙ୍କୁ କୋଭିଡ୍ ହସ୍ପିଟାଲ୍କୁ ସ୍ଥାନାନ୍ତରିତ କରାଯାଇଛି। ହେଲେ ଉକ୍ତ ସଙ୍ଗରୋଧ କେନ୍ଦ୍ରକୁ ସାନିଟାଇଜ୍ କରାଗଲା ନାହିଁ। ସେହିପରି ସଂଗରୋଧ କେନ୍ଦ୍ରରେ ଆଜକୁ ୪ଦିନ ହେଲା ଅଇଁଠା ପତ୍ର କୁଢ଼କୁଢ଼ ହୋଇ ପଡ଼ିଛି। ଆଜି ପର୍ଯ୍ୟନ୍ତ ସେହି ଅଳିଆପତ୍ରକୁ ଉଠା ଯାଉନାହିଁ। ଯାହାକୁ ନେଇ ପ୍ରବାସୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି। ଏନେଇ ସରପଞ୍ଚ ଓ ବିଡ଼ିଓଙ୍କୁ ବାରମ୍ବାର ଜଣାଇ ଆସୁଥିଲେ ମଧ୍ୟ କେହି ଶୁଣୁ ନଥିବା ପ୍ରବାସୀମାନେ ଅଭିଯୋଗ କରିଛନ୍ତି। ଏନେଇ ପ୍ରଶାସନର କୌଣସି ପତିକ୍ରିୟା ମିଳିପାରି ନାହିଁ।