‌ଔଷଧ ଦୋକାନରେ ଚଢ଼ାଉ

ପୁରୀ(ଓଡ଼ିଶା ରିପୋର୍ଟର): ସ୍ପିରିଟରେ ମେଡିସିନ୍‌ ଷ୍ଟ୍ରିପରୁ ମ୍ୟାନୁଫ୍ୟାକ୍ଚରିଂ, ଏକ୍ସପାଏରୀ ତାରିଖ ଓ ବ୍ୟାଚ୍ ନମ୍ବରକୁ ଲିଭାଯାଇ ବିକ୍ରି କରାଯାଉଥିବା ଅଭିଯୋଗକୁ ନେଇ ଓଟିଭିରେ ଖବର ପ୍ରସାରଣ ହେବା ପରେ ଆଜି ଡ୍ରଗ କଣ୍ଟ୍ରୋଲ ବିଭାଗର ସେଣ୍ଟ୍ରାଲ ଟିମ୍‌ ପୁରୀର ବିଭିନ୍ନ ‌ଔଷଧ ଦୋକାନ ଉପରେ ଚଢାଉ କରିଛି। ଅତିରିକ୍ତ ଡ୍ରଗ କଣ୍ଟ୍ରୋଲର ହର ମୋହନ ମହାନ୍ତି, ସୁନୀଲ କୁମାର ନାୟକଙ୍କ ନେତୃତ୍ୱରେ ଦୁଇଟି ଟିମ୍‌ ଡାକ୍ତରଖାନା ଛକ ଓ ମାର୍କେଟ ଛକରେ ଥିବା କିଛି ଦୋକାନରେ ଚଢାଉ କରିଛନ୍ତି।

ବିଶେଷ କରି ଯେଉଁ ଡ୍ରଗ ବିକ୍ରି ବେଆଇନ, ଯଦି ଏହା ବିକ୍ରି କରାଯାଉଛି, ସେ ସବୁକୁ ତନ୍ନ ତନ୍ନ କରି ଯାଞ୍ଚ କରାଯାଇଛି।

କିଛି ଦିନ ତଳେ  ପୁରୀ ମେଡିକାଲ ଛକରେ ଥିବା ଏକ ନିର୍ଦ୍ଦିଷ୍ଟ ଔଷଧ ଦୋକାନୀ ସ୍ପିରିଟରେ ମେଡିସନ ଷ୍ଟ୍ରିପରୁ ମ୍ୟାନୁଫ୍ୟାକ୍ଚରିଂ ଏବଂ ଏକ୍ସପାଏରୀ ତାରିଖକୁ ଲିଭାଉଥିବା ଭିଜୁଆଲ ଓଟିଭିରେ ପ୍ରସାରଣ କରାଯାଇଥିଲା। ଯାହାକୁ ନେଇ ଡ୍ରଗ ଇନସପେକ୍ଟର ମେଡିକାଲ ଛକରେ ଥିବା ୭ଟି ଓଷଧ ଦୋକାନ ଉପରେ ଚଢାଉ କରିଥିଲେ।