ପିସି କାରବାରକୁ ବିରୋଧ କରି ବ୍ଲକ ଘେରାଉ

<p>ଉମରକୋଟ (କାର୍ତ୍ତିକ ମଲ୍ଲିକ): ନବରଙ୍ଗପୁର ଜିଲ୍ଲା ରାଇଘର ବ୍ଲକ କାର୍ଯ୍ୟାଳୟରେ ବିଭିନ୍ନ ଉନ୍ନୟନ ମୂଳକ କାର୍ଯ୍ୟ ପାଇଁ ପିସି କାରବାର ହେଉଥିବା ଅଭିଯୋଗ ହୋଇଛି। ସ୍ଥାନୀୟ ଜନ ପ୍ରତିନିଧି ଓ ବିଜେପି କର୍ମୀ ଏପରି ଅଭିଯୋଗ ଆଣିବା ସହ ଆଜି ବ୍ଲକ କାର୍ଯ୍ୟାଳୟ ଘେରାଉ କରିଥିଲେ। ବ୍ଲକ ପଦାଧିକାରୀ ହିତାଧିକାରୀଙ୍କୁ ୨୫ ପ୍ରତିଶତ ପିସି ମାଗୁଥିବା ଆନ୍ଦୋଳନକାରୀ ଅଭିଯୋଗ କରିଛନ୍ତି।</p> <p>ଅଭିଯୋଗ ଅନୁସାରେ, ପ୍ରଧାନମନ୍ତ୍ରୀ ଆବାସ ଯୋଜନାରେ ବିଲ୍&zwnj; କରାଇବା ପାଇଁ ବ୍ଲକର କାର୍ଯ୍ୟରତ ହିତାଧିକାରୀ ୨୫ ପ୍ରତିଶତ ପିସି ମାଗୁଛନ୍ତି। ଯେଉଁମାନେ ପିସି ଦେଇ ପାରୁନାହାଁନ୍ତି ସେମାନଙ୍କ ଫାଇଲ୍&zwnj; ଗାଏବ କରିଦିଆଯାଉଥିବା ଅଭିଯୋଗ ହେଉଛି। ବାରମ୍ବାର ଅଭିଯୋଗ ସତ୍ତ୍ୱେ କୌଣସି କାର୍ଯ୍ୟାନୁଷ୍ଠାନ ନିଆ ନଯିବାରୁ ବିଭିନ୍ନ ପଞ୍ଚାୟତର ସରପଞ୍ଚ, ସମିତିସଭ୍ୟ, ଜିଲ୍ଲା ପରିଷଦ ସଦସ୍ୟଙ୍କ ସମେତ ଜିଲ୍ଲା ବିଜେପି କର୍ମକର୍ତ୍ତା ବ୍ଲକ ଘେରାଉ କରିବା ସହ ବିଡିଓଙ୍କ ଅଫିସ୍&zwnj;ରେ ଧସେଇ ପସିବାକୁ ଚେଷ୍ଟା କରିଥିଲେ।</p> <p>ଜିଲ୍ଲା ପରିଷଦ ସଦସ୍ୟା ପ୍ରିତିସ୍ନଗ୍ଧା ମହାପାତ୍ର କହିଛନ୍ତି, &ldquo;ଏଠାରେ କୌଣସି କାମ ପାଇଁ ଆସିଲେ ପିସି ମାଗୁଛନ୍ତି। ବିଲ୍&zwnj; ପାସ୍&zwnj; କରାଇବା ଆଗରୁ ପିସି ମଗାଯାଉଛି। ପ୍ରଧାନମନ୍ତ୍ରୀ ଆବାସ ଯୋଜନାର ଫାଇଲ୍&zwnj; ଗାଏବ କରିଦିଆଯାଇଛି। ଘର କରି ଶୌଚାଳୟ କରି ହିତାଧିକାରୀ ବାରମ୍ବାର ବ୍ଲକକୁ ଦୌଡ଼ୁଛନ୍ତି। ହେଲେ ବିଭିନ୍ନ ଆଳ ଦେଖାଇ ଆଜିକାଲି କରୁଛନ୍ତି ସରକାରୀ ଅଧିକାରୀ।&rdquo;</p> <p>ଏନେଇ ଭିଡିଓ ଦେବୀପ୍ରସାଦ ଟାଲିଙ୍କୁ ପଚରାଯିବାରେ ଅଭିଯୋଗରେ କିଛିଟା ସତ୍ୟତା ଥିବା ସେ ସ୍ୱୀକାର କରିଛନ୍ତି। ସେ କହିଛନ୍ତି,&ldquo;ଅଭିଯୋଗରେ କିଛିଟା ସତ୍ୟତା ରହିଛି। ହେଲେ ଏଭଳି ଅଚାନକ ଅଫିସ ଭିତରକୁ ପସି ଆସି ଆନ୍ଦୋଳନ କରିବା ଠିକ୍&zwnj; ନୁହେଁ।&rdquo;</p>