କଟକ: ରାଜ୍ ଗଡସନ୍ ଚିଟଫଣ୍ଡ ସଂସ୍ଥାରେ ଟଙ୍କା ରଖିଠକେଇର ଶିକାର ହୋଇଥିବା ବାଲେଶ୍ୱର ଜିଲ୍ଲା ବାଲିଆପାଳ ଅଞ୍ଚଳର ୩୦ ଜଣ ଜମାକାରୀ ଆଜି କ୍ରାଇମବ୍ରାଞ୍ଚ ସ୍ପେଶାଲ ଡିଜି ବି.କେ ଶର୍ମାଙ୍କୁ ଭେଟିଛନ୍ତି। ଅଭିଯୁକ୍ତଙ୍କୁ ଗିରଫ, ଅଫିସ ସିଲ୍ ଓ ଜମା ଟଙ୍କା ଫେରସ୍ତ ଦାବିରେ ଜମାକାରୀମାନେ ସ୍ପେଶାଲ ଡିଜିଙ୍କୁ ଦାବି ପତ୍ର ପ୍ରଦାନ କରିଛନ୍ତି।
ରାଜ୍ ଗଡସନ୍ ଚିଟଫଣ୍ଡ ସଂସ୍ଥା ବାଲିଆପାଳ ଅଞ୍ଚଳରେ ଜମାକାରୀଙ୍କ ଟଙ୍କା ହଡ଼ପ କରିଥିବା ଅଭିଯୋଗ ହୋଇଥିଲା। ପରେ ଜମାକାରୀମାନେ କମ୍ପାନୀର ନିର୍ଦ୍ଦେଶକ ଓ କର୍ମଚାରୀଙ୍କ ଧରି ପୋଲିସ୍ ଜିମାରେ ଦେଇଥିଲେ। କିନ୍ତୁ ବର୍ତ୍ତମାନ ସୁଦ୍ଧା ସେମାନଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନଥିବା ଜମାକାରୀମାନେ ଅଭିଯୋଗ କରିଛନ୍ତି।