ଭୁବନେଶ୍ୱର: ରେଲବାଇ ଜେଜିଏମ୍ ଘଟଣାରେ ରବିବାର ଚନ୍ଦ୍ରଶେଖରପୁର ପୋଲିସ୍ ଠିକାଦାର ସଂସ୍ଥା ଏଆରଏସଏସର ଅଧ୍ୟକ୍ଷ ସୁବାସ ଅଗ୍ରୱାଲଙ୍କୁ ଗିରଫ କରିଛି। ପୋଲିସ୍ ତାଙ୍କୁ କୋର୍ଟ ଫରୱାର୍ଡ କରିଛି।
ଗତକାଲି ଭୁବନେଶ୍ୱରର ଶ୍ରୀବିହାର ଅଞ୍ଚଳରେ ରେଲବାଇ ଜେଜିଏମ୍ ଅଜୟ କୁମାରଙ୍କ ଉପରକୁ ଗୁଳିମାଡ କରାଯାଇଥିଲା। ତେବେ ସେ ଏଥିରୁ ଅଳ୍ପକେ ବର୍ତ୍ତି ଯାଇଥିଲେ।
ଗତକାଲି ଅପରାହ୍ଣ ପ୍ରାୟ ୩ଟା ବେଳେ ଅଜୟ ଏକ ସ୍କର୍ପିଓ ଗାଡ଼ିରେ ତାଙ୍କ ଶ୍ରୀବିହାରସ୍ଥିତ ଘରକୁ ଯାଉଥିବା ବେଳେ ତିନି ଜଣ ଦୁର୍ବୃତ୍ତ ତାଙ୍କୁ ବାଟରେ ଅଟକାଇ ଥିଲେ। ପଲସର ଗାଡିରେ ଆସିଥିବା ଦୁର୍ବୃତ୍ତମାନେ ତାଙ୍କୁ ବନ୍ଧୁକ ଦେଖାଇବା ସହ ହତ୍ୟା ଧମକ ଦେଇଥିଲେ। ତା’ପରେ ତାଙ୍କ ଆଡକୁ ଲକ୍ଷ୍ୟ କରି ଦୁଇଟି ଗୁଳି ମାରିଥିଲେ। ତେବେ ସୌଭାଗ୍ୟବଶତଃ ସେ ଏଥିରୁ ବର୍ତ୍ତି ଯାଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
