ଛାତ୍ରୀଙ୍କ ସହ ରଖିଥିଲେ ଯୌନ ସଂପର୍କ

<p>ଦେବଗଡ଼ (ସିଦ୍ଧାର୍ଥ ଗୁରୁ): ଗୁରୁ ନାଁରେ କଳଙ୍କ। ବିଭିନ୍ନ ସମୟରେ ୫ ଜଣ ଛାତ୍ରୀଙ୍କ ସହ ଯୌନ ସଂପର୍କ ରଖିବା ଅଭିଯୋଗରେ ଜଣେ ଟ୍ୟୁସନ ସାର୍&zwnj;ଙ୍କୁ ପୁଲିସ ଗିରଫ କରିଛି। ଘଟଣାଟି ଘଟିଛି ଦେବଗଡ଼ ଜିଲ୍ଲା କୁଣ୍ଡେଇଗୋଳା ଥାନା ଅଞ୍ଚଳରେ। ଅଭିଯୁକ୍ତ ଜଣଙ୍କ ହେଲେ ୪୪ ବର୍ଷୀୟ ରବୀନ୍ଦ୍ର ସାହୁ। ଅଭିଯୋଗ ଆଣିଥିବା ୫ ଜଣ ଯାକ ନାବାଳିକାଙ୍କୁ ଡାକ୍ତରୀମାଇନା ପାଇଁ ପଠାଇ ଦିଆଯାଇଛି। ଗିରଫ ହୋଇଥିବା ଟ୍ୟୁସନ ସାର୍ ରବୀନ୍ଦ୍ର ସାହୁ ଅବିବାହିତ ଥିବା ଜଣାପଡ଼ିଛି।</p> <p>ମିଳିଥିବା ସୂଚନା ଅନୁସାରେ, ନିଜ ଘରେ ଟ୍ୟୁସନ ପଢ଼ାଇବା ବେଳେ ରବୀନ୍ଦ୍ର ୩ ବର୍ଷ ହେଲା ୫ ଜଣ ଛାତ୍ରୀଙ୍କୁ ଦୁଷ୍କର୍ମ କରି ଆସୁଥିବା ଅଭିଯୋଗ ହୋଇଛି। ହେଲେ ଲୋକଲଜ୍ଜା ଭୟରେ ଝିଅମାନେ ଏ କଥା ବାହାରେ ପ୍ରକାଶ କରୁ ନଥିଲେ।</p> <p>ତେବେ ଏ ସଂପର୍କରେ ସଂପୃକ୍ତ ଦୁଇଜଣ ଛାତ୍ରୀଙ୍କଠାରୁ ଜାଣିବାକୁ ପାଇଥିଲେ ସେମାନଙ୍କ ଅଭିଭାବକ। ପରେ ସୋମବାର ଦିନ ଏହି କଥାକୁ ନେଇ ରବୀନ୍ଦ୍ରଙ୍କ ସହ ସେ ଦୁଇ ଅଭିଭାବକଙ୍କର ପାଟିତୁଣ୍ଡ ହୋଇଥିଲା। ସେମାନଙ୍କ ଭିତରୁ ଘଟଣା ସଂପର୍କରେ ଗତକାଲି ଜଣେ ମହିଳା କୁଣ୍ଡେଇଗୋଳା ଥାନାରେ&nbsp; ଲିଖିତ ଅଭିଯୋଗ କରିଥିଲେ। ଏହାପରେ ପୁଲିସ୍&zwnj; ଏକ &nbsp;ଦୁଷ୍କର୍ମ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛି।</p>