ନାବାଳିକାକୁ ଦୁଷ୍କର୍ମ କଲା ବିଫଳ ପ୍ରେମିକ

ସୋର(ଓଡ଼ିଶା ରିପୋର୍ଟର): ପୁଣି ଥରେ ନାବାଳିକାଙ୍କ ସହ ଦୁଷ୍କର୍ମ ଅଭିଯୋଗ ହୋଇଛି। ବାଲେଶ୍ୱର ଜିଲ୍ଲା ସୋର ବାଳଙ୍ଗ ପଞ୍ଚାୟତ ଅଞ୍ଚଳରେ ନାବାଳିକାଙ୍କ ସହ ଦୁଷ୍କର୍ମ ହୋଇଥିବା ନେଇ ଏକ ମାମଲା ରୁଜୁ ହୋଇଛି। ଅଭିଯୋଗ ଅନୁସାରେ ବହୁ ଦିନ ଧରି ପ୍ରେମ ନିବେଦନ କରିବା ପରେ ବିଫଳ ହୋଇଥିଲା ଅଭିଯୁକ୍ତ। ଶେଷରେ ଗତ ୨୭ ତାରିଖ ଦିନ ନାବାଳିକାଙ୍କୁ ତାଙ୍କ ଗାଁକୁ ଅପହରଣ କରିନେଇଥିଲା ଅଭିଯୁକ୍ତ।

ଏନେଇ ସୋର ଥାନାରେ ଲିଖିତ ଅଭିଯୋଗ ହୋଇଛି। ସୋର ପୋଲିସ ପକ୍ଷରୁ ବିଭିନ୍ନ ସ୍ଥାନରେ ଚଢାଉ ହୋଇଥିଲା। ଏହି ଘଟଣା ପରେ ଅଭିଯୁକ୍ତ ଜଣକ ଫେରାର ହୋଇ ଯାଇଥିବା ଜଣାପଡ଼ିଛି।

ସୂଚନାଯୋଗ୍ୟ,ଗତକାଲି ଜଗତସିଂହପୁର ଜିଲ୍ଲା ତିର୍ତ୍ତୋଲ ଥାନା ଅନ୍ତର୍ଗତ କ୍ରିଷ୍ଣାନନ୍ଦପୁର ଫାଣ୍ଡି ଅଞ୍ଚଳରେ ପୁଣି ଜଣେ ନାବାଳିକାଙ୍କୁ ଗଣଦୁଷ୍କର୍ମ ଅଭିଯୋଗ ହୋଇଥିଲା। ଅପରାହ୍ଣରେ ନବମ ଶ୍ରେଣୀ ଛାତ୍ରୀ ଜଣକ ଟିଉସନ୍‌ ଯାଉଥିବା ବେଳେ ୩ ଜଣ ଯୁବକ ତାଙ୍କୁ ଉଠାଇ ନେଇ ନିଛାଟିଆ ବାଉଁଶ ବଣରେ ଗଣଦୁଷ୍କର୍ମ କରିଥିବା ଅଭିଯୋଗ ହୋଇଥିଲା।