ପୁରୀ (ମଧୂସୁଦନ ମିଶ୍ର): ପୁରୀ ରଥଯାତ୍ରାର ଅନ୍ତିମ ସମନ୍ୱୟ କମିଟି ବୈଠକ ଘୁଞ୍ଚିଛି। ଆସନ୍ତାକାଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ବୈଠକ ବସିବାର ଥିଲା। ଏହାକୁ ୬ ତାରିଖକୁ ଘୁଞ୍ଚାଇ ଦିଆଯାଇଛି। ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ବୈଠକକୁ ବର୍ଜନ ଲାଗି ପୋଷ୍ଟର ଜରିଆରେ ଆହ୍ୱାନ ଦେଇଥିଲା ଶ୍ରୀ ଜଗନ୍ନାଥ ସେବାୟତ ସମ୍ମିଳନୀ। ଏହି କାରଣରୁ ବୈଠକ ସମୟ ଘୁଞ୍ଚିଥିବା ଆଲୋଚନା ହେଉଛି।
ସୂଚନାଯୋଗ୍ୟ ଯେ ଗତକାଲି ମୁଖ୍ୟମନ୍ତ୍ରୀଙ୍କ ରଥଯାତ୍ରା ସମନ୍ୱୟ ବୈଠକ ବର୍ଜନ ପାଇଁ ପୋଷ୍ଟର ମରାଯାଇ ଆହ୍ୱାନ ଦିଆଯାଇଥିଲା। ଏହି ପୋଷ୍ଟରରେ ନିଳାଦ୍ରୀ ବିଜେଠାରୁ ଆରମ୍ଭ କରି ରାଷ୍ଟ୍ରପତି ଭବନ ବିବାଦ କଥା ଉଲ୍ଲେଖ ରହିଥିଲା। ପୋଷ୍ଟରରେ ଜିଲ୍ଲାପାଳଙ୍କ ଦ୍ୱାରା ଦମନମୂଳକ କାର୍ଯ୍ୟ ମଧ୍ୟ ଉଲ୍ଲେଖ କରାଯାଇଥିଲା। ଯାହାର ପ୍ରତିବାଦ କରିଥିଲା ସେବାୟତ ସମ୍ମିଳନୀ।
ଅଧିକ ପଢ଼ନ୍ତୁ-ରଥଯାତ୍ରା ସମନ୍ୱୟ ବୈଠକ ବର୍ଜନ: ପୋଷ୍ଟର ମାରି ବିରୋଧ
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
