ଭୁବନେଶ୍ୱର: ମାଲେସିଆରେ ଉଦ୍ଧାର କରାଯାଇଥିବା ୯ ଜଣ ଓଡ଼ିଆ ଶ୍ରମିକଙ୍କ ପ୍ରତ୍ୟାବର୍ତ୍ତନ ପାଇଁ ସବୁ ପଦକ୍ଷେପ ନିଆଯାଉଛି। ସେମାନେ ଶୀଘ୍ର ଭାରତକୁ ଫେରିବେ। ପେଟ୍ରୋଲିୟମ ମନ୍ତ୍ରାଳୟର ଅନୁରୋଧ ପରେ ଏ ସମ୍ପର୍କରେ ମାଲେସିଆରେ ଥିବା ଭାରତୀୟ ଦୂତାବାସ ପକ୍ଷରୁ ସୂଚନା ଦିଆଯାଇଛି।
ମାଲେସିଆକୁ କାମ କରିବାକୁ ଯାଇ ୯ ଜଣ ଶ୍ରମିକ ଫସି ରହିଥିବା ଅଭିଯୋଗ ହୋଇଥିଲା। ଏ ସଂପର୍କରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ଉଚ୍ଚ କର୍ତ୍ତୃପକ୍ଷଙ୍କ ଦୃଷ୍ଟି ଆକର୍ଷଣ କରିଥିଲେ। ଏହାପରେ କ୍ୱାଲାଲମ୍ପୁରରେ ଥିବା ଭାରତୀୟ ଦୂତାବାସ ପକ୍ଷରୁ ଜଣେ ସ୍ଥାନୀୟ ଭାରତୀୟଙ୍କ ସହାୟତାରେ ସେମାନଙ୍କୁ ଉଦ୍ଧାର କରାଯାଇଛି। ସେମାନେ ଏବେ ଦୂତାବାସର ଏକ ଆଶ୍ରୟ ସ୍ଥଳୀରେ ଅଛନ୍ତି।