ଭଦ୍ରକରେ ସିରିଜ ଦୁର୍ଘଟଣା: ୨ ମୃତ, ୨ ଆହତ

<p>ଭଦ୍ରକ(ଓଡ଼ିଶା ରିପୋର୍ଟର): ଭଦ୍ରକର ଏନ୍&zwnj;ଏଚ୍&zwnj;-୧୬ ଚରମ୍ପା ରେଲୱେ ଓଭରବ୍ରିଜ୍ ନିକଟରେ ସିରିଜ୍&zwnj; ଦୁର୍ଘଟଣା ଘଟିଛି। ପଛକୁ ପଛ ୪ଟି ଟ୍ରକ୍&zwnj; ମଧ୍ୟରେ ଧକ୍କା ହେବାରୁ ୨ ଜଣଙ୍କ ମୃତ୍ୟୁ ଘଟିଥିବା ବେଳେ ୨ଜଣ ଗୁରୁତର ହୋଇଛନ୍ତି। ଏଥିରେ ଜଣେ ହୋମ୍&zwnj;ଗାର୍ଡ ଓ ଡ୍ରାଇଭରଙ୍କ ମୃତ୍ୟୁ ଘଟିଛି। ମୃତ ହୋମଗାର୍ଡଙ୍କ ନାଁ ସୁଦାମ ଉପାଧ୍ୟାୟ। ଆହତ ୨ ଡ୍ରାଇଭରଙ୍କୁ ଭଦ୍ରକ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।</p> <p>ସୂଚନା ଅନୁସାରେ, ଆଜି ସକାଳ ସାଢ଼େ ୬ଟା ବେଳେ ସେଠାରେ ଆରଟିଓ ଚେକିଂ ହେଉଥିଲା। ତେବେ ହୋମଗାର୍ଡ ଜଣକ ଗୋଟିଏ ଟ୍ରକ୍&zwnj;କୁ ଅଟକାଇବା ପାଇଁ ଚେଷ୍ଟା କରିବାରୁ ଏହି ଦୁର୍ଘଟଣା ଘଟିଥିବା କୁହାଯାଉଛି। ଦ୍ରୁତ ଗତିରେ ଆସୁଥିବା ଟ୍ରକ୍&zwnj;କୁ ହୋମ୍&zwnj;ଗାର୍ଡଙ୍କୁ ଧକ୍କା ଦେଇଥିବା ବେଳେ ପଛକୁ ପଛକୁ ଆଉ ୩ଟି ଟ୍ରକ୍ ଧକ୍କା ହୋଇଥିବା ଅନୁମାନ କରାଯାଉଛି। କଟକରୁ ବାଲେଶ୍ୱର ଆଡକୁ ଟ୍ରକ୍ ଗୁଡ଼ିକ ଆସୁଥିବା ବେଳେ ଏହି ଦୁର୍ଘଟଣା ଘଟିଥିଲା।</p>