ଗୋରୁ ବୋଝେଇ ଟ୍ରକ୍ ସହ ଧକ୍କା ହେଲା ବୋଲେରୋ,୨ ଗୋରୁ ମୃତ

<p>ପାଟକୁରା: କେନ୍ଦ୍ରାପଡ଼ା ଜିଲ୍ଲା ଡେରାବିଶ ଥାନା ଅନ୍ତର୍ଗତ ସଲାର ମଠ ନିକଟରେ ଏକ ଗୋରୁ ବୋଝେଇ&nbsp; ଟ୍ରକ୍ ଦୁର୍ଘଟଣାଗ୍ରସ୍ତ ହେବା ପରେ ଉତ୍ତେଜନା ପ୍ରକାଶ ପାଇଛି। ଆଜି ସକାଳେ ଏହି ଗୋରୁ ବୋଝେଇ ଟ୍ରକ୍ ସହ ଏକ ବୋଲେରୋର ମୁହାଁମୁହିଁ ଧକ୍କା ହୋଇଥିଲା। ଦୁର୍ଘଟଣାରେ ବୋଲେରୋ ଚାଳକ ଆହତ ହୋଇଥିବା ବେଳେ ୨ଟି ଗୋରୁଙ୍କ ମୃତ୍ୟୁ ଘଟିଛି।</p> <p>ସ୍ଥାନୀୟ ଲୋକେ ଶହେରୁ ଅଧିକ ଗୋରୁଙ୍କୁ ଗାଡିରୁ ଉଦ୍ଧାର କରିଛନ୍ତି। ଖବରପାଇ ବଜରଙ୍ଗ ଦଳର କର୍ମୀ ଘଟଣାସ୍ଥଳରେ ପହଞ୍ଚି କଟକ-ଚାନ୍ଦବାଲି ରାସ୍ତା ଅବରୋଧ କରିବା ସହ ବେଆଇନ ଗୋ ଚାଲାଣକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି। ଘଟଣାସ୍ଥଳରେ ପୋଲିସ ପହଞ୍ଚି ଲୋକଙ୍କୁ ବୁଝାସୁଝା କରୁଛି।</p>