ମୃତକଙ୍କ ପରିବାରକୁ କ୍ଷତିପୂରଣ ଦାବିରେ ପୁଣି ରାସ୍ତାରୋକ

<p>ନୂଆପଡ଼ା: ସଡକ ଦୁର୍ଘଟଣାରେ ମୃତ ଯୁବକଙ୍କ ପରିବାରକୁ କ୍ଷତିପୂରଣ ଦେବା ଦାବିରେ କୋମନାରେ ପୁଣି ଥରେଗ୍ରାମବାସୀ ରାସ୍ତାରୋକ କରିଛନ୍ତି। ଉତ୍ତ୍ୟକ୍ତ ଲୋକେ ୩୫୩ ନମ୍ବର ଜାତୀୟ ରାଜପଥ ଅବରୋଧ କରିଛନ୍ତି। ଉଲଭା ଗ୍ରାମବାସୀଙ୍କ &nbsp;ରାସ୍ତା ଅବରୋଧ ଯୋଗୁଁ ରାୟପୁର-ଗୋପାଳପୁର ମଧ୍ୟରେ ଗାଡ଼ି଼ ଚଳାଚଳ ଯାତାୟତ ବନ୍ଦ ରହିଛି। ଅନ୍ୟପଟେ ପୋଲିସ ମୃତଦେହକୁ ବ୍ୟବଚ୍ଛେଦ ପାଇଁ ଡାକ୍ତରଖାନା ପଠାଇଛି। ଏଥିସହ ଦୁର୍ଘଟଣା ଘଟାଇଥିବା ଟ୍ରକ ଜବତ କରିବା ସହ ପୋଲିସ ଗାଡ଼ି ଚାଳକକୁ ଅଟକ ରଖିଛି।</p> <p>ଦୁର୍ଘଟଣା ପରେ ଗତକାଲି ରାତିରେ ମଧ୍ୟ ନୂଆପଡା କୋମନା ଥାନା ସମ୍ମୁଖ ଜାତୀୟ ରାଜପଥ-୩୫୩କୁ ଗ୍ରାମବାସୀ ଅବରୋଧ କରିଥିଲେ। ଫଳରେ ରାୟପୁର-ଗୋପାଳପୁର ରାସ୍ତାରେ ଶହ ଶହ ଗାଡ଼ିମୋଟର ଅଟକି ରହିଥିଲା।</p> <p>ଗତ ରବିବାର ଉଲଭା ଗାଁର ଯଦୁମଣୀ ମାଝି ଓ ଅର୍ଜୁନ ମାଝି ସାଇକେଲରେ ଯାଉଥିବା ବେଳେ ଏକ &nbsp;ମିନିଟ୍ରକ୍ ଧକ୍କା ଦେଇଥିଲା। &nbsp;ଦୁଇ ଜଣଙ୍କୁ ଗୁରୁତର ଅବସ୍ଥାରେ ନୂଆପଡା ଡାକ୍ତରଖାନାରେ ଭର୍ତ୍ତି କରାଯାଇଥିଲା।&nbsp; ଗତକାଲି ଅର୍ଜୁନଙ୍କ ମୃତ୍ୟୁ ହୋଇଥିଲା। ମୃତକଙ୍କ ପରିବାରକୁ ୧୦ ଲକ୍ଷ ଟଙ୍କା କ୍ଷତିପୂରଣ ଦାବିରେ ସ୍ଥାନୀୟ ବାସିନ୍ଦା ରାସ୍ତାରୋକ କରିଛନ୍ତି।</p>