ଭଦ୍ରକ(ପାର୍ଥ ସାରଥୀ ନାୟକ); ଜାତୀୟ ରାଜପଥ ପାର୍ଶ୍ୱରୁ ଜବରଦଖଲ ଉଚ୍ଛେଦ ଦାବିରେ ଭଦ୍ରକ ଜିଲ୍ଲା ବରପଦା ସୁରକ୍ଷା ନାଗରିକ ମଞ୍ଚ ପକ୍ଷରୁ ଆଜି ୧୨ ଘଣ୍ଟିଆ ବନ୍ଦ ଡାକରା ଦିଆଯାଇଛି । ବିକ୍ଷୋଭକାରୀ ଆଜି ସକାଳ ୬ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ବରପଦା ଜାତୀୟ ରାଜପଥରେ ଟାୟାର ଜାଳି ରାସ୍ତା ଅବରୋଧ କରିଛନ୍ତି। ଏହା ପ୍ରଭାବରେ ବରପଦାରେ ଦୋକାନ ବଜାର ବନ୍ଦ ରହିଛି ।
ଆନ୍ଦୋଳନକାରୀମାନେ ବରପଦା ଜାତୀୟ ରାଜପଥରେ ଟାୟାର ଜାଳି ରାସ୍ତା ଅବରୋଧ କରିଛନ୍ତି। ଫଳରେ ବରପଦା-ଆନନ୍ଦପୁର, ବରପଦା-ଆଗରପଡାକୁ ଗାଡ଼ି ଚଳାଚଳ ଠପ ହୋଇଯାଇଛି। ଏଥିଯୋଗୁ ଯାତ୍ରୀମାନେ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି।
ଅଭିଯୋଗ ଅନୁସାରେ, ବରପଦା ଜାତୀୟ ରାଜପଥର ଉଭୟ ପାର୍ଶ୍ୱରେ ଥିବା ଡ୍ରେନ ଉପରେ କିଛି ବ୍ୟକ୍ତି ବେଆଇନ ଭାବେ ଦୋକାନ ଗୃହ ନିର୍ମାଣ କରିଛନ୍ତି। ଏହାସହ କିଛି ମୁଷ୍ଟିମେୟ ଲୋକ ଜାଗା ଜବରଦଖଲ କରି ରଖିଛନ୍ତି । ଫଳରେ ବର୍ଷା ଦିନେ ଡ୍ରେନରେ ପାଣି ନିଷ୍କାସିତ ହୋଇନପାରି ବଜାରରେ କୃତ୍ରିମ ବନ୍ୟା ସୃଷ୍ଟି ହେଉଛି। ଏନେଇ ବରପଦା ସୁରକ୍ଷା ନାଗରିକ ମଞ୍ଚ ପକ୍ଷରୁ ଜବରଦଖଲ ଉଚ୍ଛେଦ ପାଇଁ ପ୍ରଶାସନ ନିକଟରେ ବାରମ୍ବାର ଅଭିଯୋଗ କରାଯାଇଥିଲା । ତେବେ ପ୍ରଶାସନ ଏନେଇ ନଶୁଣିବା ପରେ ଶେଷରେ ବାଧ୍ୟ ହୋଇ ମଞ୍ଚ ଆନ୍ଦୋଳନକୁ ଓହ୍ଲାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
