ରାଉରକେଲା: କେନ୍ଦ୍ର ସରକାର ଗୁରୁବାର ଦେଶର ୯୮ଟି ସହରକୁ ସ୍ମାର୍ଟ ସିଟି କରିବାକୁ ଘୋଷଣା କରିଛନ୍ତି । ଏହି ତାଲିକାରେ ରାଜଧାନୀ ଭୁବନେଶ୍ୱର ଓ ରାଉରକେଲା ରହିଛି । ତେବେ ରାଉରକେଲା ସ୍ମାର୍ଟ ସିଟିରେ ସାମିଲ ହେବା ପରେ ସହରବାସୀଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି । ଜନସାଧାରଣ ରାଜରାସ୍ତାକୁ ଓହ୍ଲାଇ ପରସ୍ପରକୁ ମିଠା ବାଣ୍ଟୁଥିବା ଦେଖିବାକୁ ମିଳିଥିଲା । ତେବେ ରାଉରକେଲା ସ୍ମାର୍ଟ ସିଟି ହେବା ପରେ ରାଜନୀତି ମଧ୍ୟ ଜୋର ଧରିଛି । ଶ୍ରେୟ ନେବାକୁ ଉଭୟ ବିଜେଡି ଓ ବିଜେପି ମଧ୍ୟରେ ଆରମ୍ଭ ହୋଇଯାଇଛି ପ୍ରତିଯୋଗିତା । ବିଜେପି ଦଳ ତରଫରୁ ଏହି ସଫଳତାର ଶ୍ରେୟ କେନ୍ଦ୍ରମନ୍ତ୍ରୀ ଜୁଏଲ ଓରାମ, ବିଧାୟକ ଦିଲୀପ ରାୟ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଦିଆଯାଉଛି। ବିଜେପି କର୍ମୀମାନେ ସହରର ପ୍ରମୁଖ ସ୍ଥାନରେ ବାଜା ବଜାଇ, ଶୋଭାଯାତ୍ରା କରି ମିଠା ବାଣ୍ଟିଛନ୍ତି। ଏପରି କି କେନ୍ଦ୍ରମନ୍ତ୍ରୀ ଓ ଦିଲୀପ ରାୟଙ୍କ ଫଟୋ ଥିବା ହୋଡିଂ ଦେଖିବାକୁ ମିଳୁଛି । ଅନ୍ୟପଟେ ବିଜେଡି ରାଉରକେଲା ସ୍ମାର୍ଟ ସିଟି ହେବାର ଶ୍ରେୟ ନିଜକୁ ଦେଇଛି । ଦଳ ପକ୍ଷରୁ ଏକ ସାମ୍ୱାଦିକ ସମ୍ମିଳନୀରେ ସରକାରଙ୍କ ଉନ୍ନୟନ ମୂଳକ କାର୍ଯ୍ୟ ଯୋଗୁଁ ରାଉରକେଲା ସ୍ମାର୍ଟ ସିଟି ଯୋଗ୍ୟତା ହାସଲ କଲା ବୋଲି କୁହାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
