ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ସମ୍ବଲପୁର( ଓଡ଼ିଶା ରିପୋର୍ଟର): ସମ୍ବଲପୁର ଅଇଁଠାପାଲି ଥାନା ହାଜତରେ ଜଣେ ଅଭିଯୁକ୍ତର ମୃତ୍ୟୁ ଘଟଣାକୁ ଗୁରୁତର ନେଇଛି ପୋଲିସ୍‌। ପ୍ରାଥମିକ ଅନୁସନ୍ଧାନକୁ ଭିତ୍ତି କରି ଅଇଁଠାପାଲି ଥାନାର ଥାନା ଅଧିକାରୀଙ୍କ ସହ ଥାନାର ଡାଏରୀ ଚାର୍ଜ ଅଫିସର ଏବଂ ସେଣ୍ଟ୍ରି ନିଲମ୍ବିତ କରାଯାଇଛି।</p> <p>ଘଟଣାର ତ୍ରିସ୍ତରୀୟ ତଦନ୍ତ ହେବ ବୋଲି ପୋଲିସ୍‌ ଡିଜି ଆର.ପି. ଶର୍ମା କହିଛନ୍ତି। ସେ ଆହୁରି କହିଛନ୍ତି,- “ଏଚଆରପିସି ଘଟଣାର ତଦନ୍ତ କରିବ। ଏଥିସହ ଉତ୍ତରାଞ୍ଚଳ ଆଇଜି ଏବଂ ଏସପି ଓ ଜିଲ୍ଲାପାଳ ମିଳିତ ଭାବେ ନିଜନିଜ ସ୍ତରରେ ତଦନ୍ତ କରି ରିପୋର୍ଟ ଦେବେ।”</p> <p>ଅଇଁଠାପାଲି ଥାନା ହାଜତରେ ଅଭିଯୁକ୍ତର ମୃତ୍ୟୁ ଘଟଣା ନେଇ ମୃତକଙ୍କ ସମ୍ପର୍କୀୟ ଏବଂ ଉତ୍ତ୍ୟକ୍ତ ଲୋକେ ଅଇଁଠାପାଲି ଥାନାରେ ଭଙ୍ଗାରୁଜା କରିବା ସହ ଥାନା ଭିତରେ ନିଆଁ ଲଗାଇ ଦେଇଥିଲେ।</p> <p>ସୂଚନା ଅନୁସାରେ, ଅଇଁଠାପାଲି ଥାନାର ଭାଲୁପାଲି ଅଞ୍ଚଳର ଅବିନାଶ ମୁଣ୍ଡାଙ୍କୁ ଚୋରି ଅଭିଯୋଗରେ ପୋଲିସ ଥାନାରେ ରଖି ପଚରାଉଚରା କରିଥିଲା। ତେବେ ଗତକାଲି ବିଳମ୍ବିତ ରାତିରେ ସେ ଘୋଡାଇ ହୋଇଥିବା ବେଡସିଟକୁ ଗୁଡାଇ ‌ଆତ୍ମହତ୍ୟା କରିଥିବା ପୋଲିସ ଅଭିଯୋଗ କରିଛି। ଅନ୍ୟପକ୍ଷରେ ତାଙ୍କୁ ପୋଲିସ ପିଟିପିଟି ମାରିଦେଇଛି ବୋଲି ମୃତକଙ୍କ ସମ୍ପର୍କୀୟ ଅଭିଯୋଗ କରିବା ସହ ଥାନା ଭଙ୍ଗାରୁଜା କରିଛନ୍ତି। ପୋଲିସ ଘଟଣାର ତଦନ୍ତ ଜାରି ରଖିଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
