ଭୁବନେଶ୍ୱର(ଓଡ଼ିଶା ରିପୋର୍ଟର): ପରୀ ପ୍ରସଙ୍ଗରେ କଂଗ୍ରେସକୁ ଘେରିଛନ୍ତି ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର। ସେ ସିଧାସଳଖ ହାଥରସ କଂଗ୍ରେସ ବିଧାୟକମାନଙ୍କୁ ଟାର୍ଗେଟ କରି ସେମାନେ ବିଜେଡିଠୁ ଟଙ୍କା ନେଇ ପରୀ ପ୍ରସଙ୍ଗରେ ମୁହଁ ବନ୍ଦ ରଖିଥିବା କହିଛନ୍ତି। ତା’ ସହିତ ଏ ପ୍ରସଙ୍ଗରେ ରାହୁଲ ଗାନ୍ଧୀଙ୍କୁ ମଧ୍ୟ ଘେରିଛନ୍ତି।
ଗଣମାଧ୍ୟମ ସମ୍ମୁଖରେ ସମ୍ବିତ ପାତ୍ର କହିଛନ୍ତି, ଏକ ୫ ବର୍ଷର ଝିଅ ‘ପରୀ’ ସହ ଲୋମଟାଙ୍କୁରା ନୃଶଂସ କାଣ୍ଡ ଘଟିଥିବା ବେଳେ ଚୁପ୍ ହୋଇ ବସିଛନ୍ତି କଂଗ୍ରେସର ୯ ଜଣ ବିଧାୟକ । ସେମାନେ ବିଜେଡିଠୁ ଟଙ୍କା ନେଇ ମୁହଁ ଚୁପ୍ କରି ବସିଛନ୍ତି। ଅରୁଣ ସାହୁଙ୍କୁ କ୍ଲିନଚିଟ୍ ଦେଇଛନ୍ତି।
ଏହାସହିତ ସେ ଏହା କଂଗ୍ରେସର ଦୋମୁହାଁ ନୀତି ବୋଲି କହିଛନ୍ତି । ଶ୍ରୀ ପାତ୍ର କହିଛନ୍ତି, ହାଥରସରେ ଅପରାଧ ହେଲା ରାହୁଲ ଗାନ୍ଧୀ ସେଠାକୁ ଗଲେ। ମାତ୍ର ଏଠି କଂଗ୍ରେସ ଚୁପ୍। ଏ ପ୍ରକାର ଦୋମୁହାଁ ନୀତି କାହିଁକି? ଅରୁଣଙ୍କ ସହ କ’ଣ ପାଇଁ ଠିଆ ହୋଇଛନ୍ତି କଂଗ୍ରେସ ବିଧାୟକ ? ସେମାନେ ତାହାର ଜବାବ ଦିଅନ୍ତୁ ।
ସୂଚନାଯୋଗ୍ୟ, ପରୀକୁ ନ୍ୟାୟ ଦେବା ଦାବିରେ ଦିଲ୍ଲୀରେ ଜାତୀୟ ଶିଶୁ ଅଧିକାର ସୁରକ୍ଷା କମିଶନକୁ ଆଜି ଭେଟିଥିଲେ ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର । ସେ ଏନସିପିସିଆର୍ ଅଧ୍ୟକ୍ଷ ପ୍ରିୟାଙ୍କ କାନୁନଗୋଙ୍କୁ ଭେଟି ସ୍ମାରକପତ୍ର ଦେଇଥିଲେ । ସେଠାରୁ ଫେରି ଗଣମାଧ୍ୟମ ନିକଟରେ ସିଧାସଳଖ କଂଗ୍ରେସ ବିଧାୟକଙ୍କୁ ଟାର୍ଗେଟ କରି ଏପରି ଭାବେ ବର୍ଷିଥିଲେ ସମ୍ବିତ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
