ସମ୍ୱଲପୁର: ସମ୍ୱଲପୁର ଲେଡି ଲୁଇସ୍ ସରକାରୀ ବାଳିକା ଉଚ୍ଚ ବିଦ୍ୟାଳୟର ନିଖୋଜ ୪ ଛାତ୍ରୀଙ୍କୁ ପୁନେରୁ ପୋଲିସ ଉଦ୍ଧାର କରିଛି। ସମସ୍ତ ୪ଜଣ ଛାତ୍ରଙ୍କୁ ସମ୍ୱଲପୁର ପୋଲିସ ଆଣୁଛି। ଆଜି ରାତି ସୁଦ୍ଧା ଏମାନଙ୍କୁ ନେଇ ସମ୍ୱଲପୁର ପୋଲିସ ପହଞ୍ଚିବ ବୋଲି ସମ୍ୱଲପୁର ଏସପି କହିଛନ୍ତି। ତେବେ କାହିଁକି ଓ କେଉଁ ପରିସ୍ଥିତିରେ ଏମାନେ ଏତେବାଟକୁ ଗଲେ ପୋଲିସ ଏନେଇ ସ୍ପଷ୍ଟ କରିନି।
ଦଶମ ଶ୍ରେଣୀରେ ପଢୁଥିବା ଏହି ଛାତ୍ରୀମାନେ ଗତ ଶନିବାରଠାରୁ ନିଖୋଜ ଥିଲେ। ଏ ସମ୍ପର୍କରେ ଅଭିଭାବକଙ୍କ ପକ୍ଷରୁ ଟାଉନ ଥାନାରେ ଅଭିଯୋଗ ପରେ ପୋଲିସ୍ ଏକ ଅପହରଣ ମାମଲା ରୁଜୁ କରି ଘଟଣାର ତଦନ୍ତ ଚଳାଇଥିଲା।