ବାଲୁକା କଳାରେ ସୁଷମାଙ୍କୁ ଶ୍ରଦ୍ଧାଞ୍ଜଳି

ପୁରୀ(ଓଡ଼ିଶା ରିପୋର୍ଟର): ବରିଷ୍ଠ ବିଜେପି ନେତ୍ରୀ ସୁଷମା ସ୍ୱରାଜଙ୍କ ପରଲୋକ ପରେ ବାଲୁକାକଳା ମାଧ୍ୟମରେ ଶୋକ ବ୍ୟକ୍ତ କରିଛନ୍ତି ଅନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ। ପୁରୀ ବେଳାଭୂମିରେ ଏକ ଆକର୍ଷଣୀୟ ବାଲୁକା କଳା କରି ସୁଷମାଙ୍କୁ ଏକ ପୁସ୍ତକର ଗୋଟିଏ ପାର୍ଶ୍ୱରେ ପ୍ରଦର୍ଶିତ କରିଥିବା ବେଳେ ଅପର ପାର୍ଶ୍ୱରେ ଭାରତ ମାନଚିତ୍ରକୁ ପ୍ରଦର୍ଶିତ କରିଛନ୍ତି। ବାଲୁକା କଳାରେ ୩୭୦ ଧାରାକୁ ନେଇ ସୁଷମାଙ୍କ ଶେଷ ଟୁଇଟ୍ ମଧ୍ୟ ପ୍ରଦର୍ଶିତ ହୋଇଛି।

ଖାସ୍ କରି ସୁଷମାଙ୍କୁ ନେଇ ସୁଦର୍ଶନ କରିଥିବା ଏହି ବାଲୁକା କଳା ଦେଖିବାକୁ ରାଜ୍ୟପାଲ ପ୍ରଫେସର ଗଣେଶୀଲାଲ ନିଜ ପରିବାର ସହ ବେଳାଭୂମିରେ ପହଞ୍ଚିଥିଲେ।