ବୀରମିତ୍ରପୁର/ରାଉରକେଲା(ରାକେଶ/ସତ୍ୟାନନ୍ଦ): ମୁହଁରେ ମୁଖା ଓ ହାତରେ ଖଣ୍ଡା ଧରି ବ୍ୟାଙ୍କରେ ପଶିଲେ ୫ ଦୁର୍ବୃତ୍ତ। ବ୍ୟାଙ୍କ କର୍ମଚାରୀଙ୍କୁ ଆକ୍ରମଣ କରି ଲୁଟିନେଲେ ୫ ଲକ୍ଷରୁ ଅଧିକ ଟଙ୍କା। ବୁଧବାର ଅପରାହ୍ନରେ ଏପରି ଘଟଣା ସୁନ୍ଦରଗଡ଼ ଜିଲ୍ଲା ଜିଲ୍ଲା ବୀରମିତ୍ରପୁର ଥାନା ଅଞ୍ଚଳରେ ଘଟିଛି।
ସବୁଦିନ ପରେ ବୁଧବାର କୁଆଁରମୁଣ୍ଡା ଡୁମେରଜୋର ଏସ୍ବିଆଇ ବ୍ୟାଙ୍କ ଖୋଲିଥିଲା। ଅପରାହ୍ନ ପ୍ରାୟ ୪ଟା ବେଳେ ୫ ଜଣ ଯୁବକ ମୁଖା ପିନ୍ଧି ବନ୍ଧୁକ ଓ ଖଣ୍ଡା ଧରି ବ୍ୟାଙ୍କରେ ପଶିଥିଲେ। ଦୁର୍ବୃତ୍ତମାନେ ପ୍ରଥମେ ବ୍ୟାଙ୍କର କର୍ମଚାରୀ ଓ ଗ୍ରାହକମାନଙ୍କୁ ଧମକାଇଥିଲେ। ପରେ ଡ୍ରୟରରେ ଥିବା ଟଙ୍କା ନେବାକୁ ଉଦ୍ୟମ କରିଥିଲେ। ମାତ୍ର ବ୍ୟାଙ୍କ ମ୍ୟାନେଜର ଦୀପ୍ତିକାନ୍ତ ମଲ୍ଲିକ ସେମାନଙ୍କୁ ଅଟକାଇବାକୁ ଚେଷ୍ଟା କରିଥିଲେ। ହେଲେ ଦୁର୍ବୃତ୍ତମାନେ ତାଙ୍କୁ ଆକ୍ରମଣ କରିଥିଲେ। ଫଳରେ ସେ ଆହତ ହୋଇଛନ୍ତି। ତାଙ୍କୁ ମେଡିକାଲ୍ରେ ଭର୍ତ୍ତି କରାଯାଇଛି।