ମୁଁ ଛୁଙ୍କ ଦେଇ ଛାଡ଼ିଦେଲି, ଆପଣ ବାସ୍ନା ବାହାର କରନ୍ତୁ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ବରିଷ୍ଠ ବିଜେଡି ନେତା ଦାମୋଦର ରାଉତ ଗତକାଲି ଯେଉଁ &lsquo;ଗଡ୍&zwnj; ଫାଦର&rsquo; ଗୁଗ୍&zwnj;ଲି ଛାଡ଼ିଥିଲେ, ସେ ନେଇ ଗୁମର ଖୋଲୁ ନାହାନ୍ତି। ଅର୍ଥାତ୍&zwnj; କିଏ ସେ &lsquo;ଗଡ୍&zwnj; ଫାଦର&rsquo; ଦାମ କହୁ ନାହାନ୍ତି। ଆଜି ଗଣମାଧ୍ୟମ ପ୍ରତିନିଧିମାନେ ପୁଣି ଥରେ ପଚାରିବାରୁ ସେ କହିଲେ- ମୁଁ ଯାହା ଜାଣିଥିଲି କହିଲି। &lsquo;ତୁମର ଯିଏ ଗ୍ରାଣ୍ଡ ଫାଦର ସେ ସେମାନଙ୍କର ଗଡ୍&zwnj; ଫାଦର&rsquo;।</p> <p>ସେ ଆହୁରି କହିଛନ୍ତି- &ldquo;ମୁଁ ଛୁଙ୍କ ଦେଇ ଛାଡ଼ିଦେଲି, ଆପଣ ବାସ୍ନା ବାହାର କରନ୍ତୁ।&rdquo;</p> <p>ମୋ ମନ୍ତ୍ରୀ ପଦ ଯଦି ଏଥିପାଇଁ ଯାଇନାହିଁ, ଅନ୍ୟ କାରଣରୁ ଯାଇଛି ବୋଲି କୃଷିମନ୍ତ୍ରୀ ପ୍ରଦୀପ ମହାରଥୀ କହୁଛନ୍ତି, ଏଥିରୁ ଜଣାପଡ଼ୁଛି ମୋର ମନ୍ତ୍ରୀ ପଦ ଯିବାରେ ପ୍ରଦୀପ ମହାରଥୀ ଅନ୍ୟତମ ଭାଗିଦାର !</p> <p>ଦାମ କହିଥିଲେ ଯେ- &ldquo;ଚାରା ଦୁର୍ନୀତିରେ ସଂପୃକ୍ତ ଅଫିସରଙ୍କୁ ନିଲମ୍ବନ କରି ମୋର ମନ୍ତ୍ରୀ ପଦ ଗଲା ଓ ପଦ ଗଲା ପରେ ସଂପୃକ୍ତ ଅଧିକାରୀ ପୁନଃ ଅବସ୍ଥାପିତ ହେଲେ।&rdquo;</p> <p>ଆଜି ଆଉ ଏକ ଦୁର୍ନୀତି ହୋଇଥିବା ଅଭିଯୋଗ ଆଣିଛନ୍ତି ପୂର୍ବତନ ମନ୍ତ୍ରୀ ଦାମ ରାଉତ। କହିଛନ୍ତି- &ldquo;ଓମଫେଡ୍ ମିଲ୍କ ପାଉଚ୍ ପଲିଥିନ କିଣାରେ ୩୦ କୋଟି ଟଙ୍କାର ଦୁର୍ନୀତି ହୋଇଛି। ତତ୍କାଳୀନ ଓମଫେଡ୍ ଏମ୍&zwnj;ଡି ଭିଜିଲାନ୍ସ ତଦନ୍ତ ପାଇଁ ଲେଖିଥିଲେ। କିନ୍ତୁ ସରକାର ବିଭାଗୀୟ ତଦନ୍ତ ପାଇଁ ନିର୍ଦ୍ଦେଶ ଦେଇଥିଲେ। ମନ୍ତ୍ରୀ ପ୍ରଦୀପ ମହାରଥୀଙ୍କ ସମୟରେ ଏହି ଦୁର୍ନୀତି ହୋଇଥିଲା।&rdquo;</p> <p>ଅନ୍ୟପଟେ ଦାମଙ୍କ ଏଭଳି ଆକ୍ଷେପର ଜବାବ ରଖିଛନ୍ତି ମନ୍ତ୍ରୀ ପ୍ରଦୀପ ମହାରଥୀ। ଦାମଙ୍କ ସବୁ ଅଭିଯୋଗକୁ ସେ ଖଣ୍ଡନ କରିଛନ୍ତି।</p> <p>&amp;nbsp;</p> <p>&amp;nbsp;</p>