ସିରିଜ୍ ଚୋରି; ୫ରୁ ଅଧିକ ଦୋକାନର ସଟର ଭାଙ୍ଗି ଲୁଟି ନେଲେ

ଖୋର୍ଦ୍ଧା (ଓଡ଼ିଶା ରିପୋର୍ଟର): କିଛି ଦିନର ବ୍ୟବଧାନ ପରେ ପୁଣି ଥରେ ଖୋର୍ଦ୍ଧାରେ ମାତିଲେ ଲୁଟେରା। ଗତକାଲି ରାତିରେ ଖୋର୍ଦ୍ଧା ସହର ଭିତରେ ହୋଇଛି ସିରିଜ୍ ଚୋରି। ସଟର ତାଡ଼ି ୫ରୁ ଅଧିକ ଦୋକାନରେ ଚୋରି ହୋଇଥିବା ଅଭିଯୋଗ ହୋଇଛି। ଟଙ୍କା ସହ ଅନ୍ୟାନ୍ୟ ସାମଗ୍ରୀ ଚୋରି ହୋଇଛି। ଗୋଟିଏ ରାତିରେ ଏକାଧିକ ଦୋକାନରୁ ଲୁଟ୍ ନେଇ ସ୍ଥାନୀୟ ଅଞ୍ଚଳରେ ଆତଙ୍କ ସୃଷ୍ଟି ହୋଇଛି। ଖୋର୍ଦ୍ଧା ଟାଉନ୍ ଥାନା ପୁଲିସ୍ ଘଟଣାର ତଦନ୍ତ ଆରମ୍ଭ କରିଛି।