ପୁରୀ(ଓଡ଼ିଶା ରିପୋର୍ଟର): ପୁରୀ ଶ୍ରୀମନ୍ଦିରର ୮ଟି ଦ୍ୱାରର କବାଟକୁ ରୁପା ଛାଉଣି ପ୍ରସଙ୍ଗରେ ଆଜି ଚୂଡ଼ାନ୍ତ ହୋଇପାରିଲାନି କୌଣସି ଡିଜାଇନ। ଏ ନେଇ ସୂଚନା ଦେଇଛନ୍ତି ଶ୍ରୀମନ୍ଦିର ଉନ୍ନୟନ ପ୍ରଶାସକ ଅଜୟ ଜେନା।
ସେ କହିଛନ୍ତି-“ଡିଜାଇନ ଅନୁଧ୍ୟାନ କରିବାକୁ ଏକ ସବ କମିଟି ଗଠନ କରାଯିବ। ସବ କମିଟି ରଘୁରାଜପୁର ଓ ନାୟକ ପାଟଣା ଯାଇ ଅନୁଧ୍ୟାନ କରିବ। ଆବଶ୍ୟକ ପଡ଼ିଲେ କମିଟି କଟକ ଯାଇ ଡିଜାଇନ ଦେଖିବ। ଆସନ୍ତା ୧୯ରେ ପରବର୍ତ୍ତୀ ବୈଠକରେ ଡିଜାଇନ ଚୂଡ଼ାନ୍ତ ହେବ।
ସେହିପରି ASI ସୁପରିନ୍ଣ୍ଟେଣ୍ଡେଣ୍ଟ ଆର୍କିଓଲୋଜିଷ୍ଟ ଅରୁଣ ମଲ୍ଲିକଙ୍କ ସୂଚନା ଅନୁସାରେ ଶ୍ରୀଜଗନ୍ନାଥ ମନ୍ଦିରରେ ବାହାରର କଳା ଭାସ୍କର୍ଯ୍ୟ ସ୍ଥାନିତ ହେବନାହିଁ। ସଂପୂର୍ଣ୍ଣ ଉତ୍କଳୀୟ କଳା ସଂସ୍କୃତିରେ ଡିଜାଇନ କରାଯିବ। ଡିଜାଇନ ଚୂଡ଼ାନ୍ତ ହେଲେ ଅନୁମତି ପାଇଁ ଦିଲ୍ଲୀ ପଠାଯି। ASI ଦିଲ୍ଲୀରୁ ଅନୁମତି ମିଳିଲା ପରେ କାମ ଆରମ୍ଭ ହୋଇପାରିବ।