ସ୍କିଲ୍ ଡେଭଲପମେଣ୍ଟ କାର୍ଯ୍ୟକ୍ରମ ପାଇଁ ହେଉ ସ୍ୱତନ୍ତ୍ର ବଜେଟ୍ ବ୍ୟବସ୍ଥା: ଓଡ଼ିଶା ସରକାର

ନୂଆଦିଲ୍ଲୀ: କୌଶଳ ବୃଦ୍ଧି ବା ସ୍କିଲ୍ ଡେଭଲପମେଣ୍ଟ ସଂପର୍କିତ ନୀତି ଆୟୋଗର ତୃତୀୟ ତଥା ଶେଷ ବୈଠକ ନୂଆଦିଲ୍ଲୀରେ ଅନୁଷ୍ଠିତ ହୋଇଯାଇଛି। ମୁଖ୍ୟମନ୍ତ୍ରୀମାନଙ୍କର ଏହି ସମ୍ମିଳନୀରେ ଓଡ଼ିଶାରୁ ବୈଷୟିକ ଶିକ୍ଷା ଓ ତାଲିମ୍ ମନ୍ତ୍ରୀ ସଂଜୟ ଦାସବର୍ମା ପ୍ରତିନିଧିତ୍ୱ କରିଥିଲେ। କୌଶଳ ବିକାଶ କାର୍ଯ୍ୟକ୍ରମ ଲାଗି ସ୍ୱତନ୍ତ୍ର ବଜେଟରେ ବ୍ୟବସ୍ଥା କରିବା, ସ୍କିଲ ୟୁନିଭର୍ସିଟି ପ୍ରତିଷ୍ଠା ଓ ସ୍କିଲ ଡେଭଲପମେଣ୍ଟ କାର୍ଯ୍ୟରେ ନିୟୋଜିତ ସଂସ୍ଥାଙ୍କୁ ସର୍ଭିସ ଟ୍ୟାକ୍ସ ଛାଡ଼ ଭଳି ରାଜ୍ୟ ସରକାରଙ୍କ ପକ୍ଷରୁ ୪ଟି ପ୍ରସ୍ତାବ ଦିଆଯାଇଛି। ଅନ୍ୟପକ୍ଷରେ ପୂର୍ବ ବୈଠକଗୁଡିକରେ ରାଜ୍ୟ ସରକାର ଦେଇଥିବା ଅଧିକାଂଶ ପ୍ରସ୍ତାବକୁ କେନ୍ଦ୍ର ଗ୍ରହଣ କରିଥିବା ଦାସବର୍ମା ସୂଚନା ଦେଇଛନ୍ତି। ତେବେ ଆଜିର ବୈଠକରେ ଦିଆଯାଇଥିବା ପ୍ରସ୍ତାବଗୁଡିକ ସଂପର୍କରେ କେନ୍ଦ୍ର ୭ ଦିନ ମଧ୍ୟରେ ନିଷ୍ପତ୍ତି ଜଣାଇବ ବୋଲି ସେ କହିଛନ୍ତି।