ପୁଅ ଛୁରା ମାଡ଼ରେ ଗଲା ବାପାର ଜୀବନ

ଆଠଗଡ଼(ନିଳକଣ୍ଠ ଦୋରା): ଘରୋଇ କଳି ହେଲା କାଳ। ବଡ଼ ପୁଅ ଛୁରା ମାଡ଼ରେ ବାପାର ମୃତ୍ୟୁ ହୋଇଥିବା ବେଳେ ସାନଭାଇ ଗୁରୁତର ହୋଇ ପଡ଼ିଛନ୍ତି।  ବଡପୁଅକୁ ଅଟକ ରଖି ପୁଲିସ୍‌ ଘଟଣାର ତଦନ୍ତ ଆରମ୍ଭ କରିଛି। ଏଭଳି ଘଟଣା କଟକ ଜିଲ୍ଲା ଖୁଣ୍ଟୁଣି ଥାନା ଅନ୍ତର୍ଗତ ମୁଶୁଳିଆ ଗାଁରେ ଘଟିଛି ।

ମିଳିଥିବା ସୂଚନା ଅନୁଯାୟୀ, ଘରେ ସାନ ପୁଅ ଓ ବାପା ଏକାଠି ରହୁଥିବା ବେଳେ ବଡପୁଅ ସେମାନଙ୍କଠାରୁ ଅଲଗା ରହୁଥିଲେ। ଏଥିସହ ସେ ସବୁବେଳେ ବାପ ଓ ସାନ ଭାଇଙ୍କ ସହ କଳି କରି ଆସୁଥିଲେ । ଗତକାଲି କଳି ହେବା ପରେ ବାପା ଓ ସାନପୁଅ ଗାଁ ମୁରବିଙ୍କୁ ଜଣାଇଥିଲେ । କିନ୍ତୁ କାହିଁକି ଗାଁ ମୁରବିଙ୍କୁ ଜଣାଇଥିବାରୁ  ଉତ୍ତ୍ୟକ୍ତ ବଡପୁଅ ଗତକାଲି ରାତିରେ ଏକ ଛୁରି ରେ ବାପା ଓ ପୁଅକୁ ଆକ୍ରମଣ କରିଥିଲେ।  ଘଟଣା ସ୍ଥଳରେ ବାପାଙ୍କ ମୃତ୍ୟୁ ହୋଇଥିବା ବେଳେ ପୁଅକୁ ଗୁରୁତର ଅବସ୍ଥାରେ କଟକ ସ୍ଥାନାନ୍ତର କରାଯାଇଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।