ହଜିଯାଇଛି ଶ୍ରୀମନ୍ଦିର ଭିତର ରତ୍ନଭଣ୍ଡାର ଚାବି: ପରିଚାଳନା କମିଟି ବୈଠକରେ  ହଟଚମଟ

<p>ପୁରୀ(ଓଡିଶା ରିପୋର୍ଟର): ହଜି ଯାଇଛି ଶ୍ରୀମନ୍ଦିର ଭିତର ରତ୍ନ ଭଣ୍ଡାର ଚାବି । ଶ୍ରୀମନ୍ଦିର ପରିଚାଳନା କମିଟି ବୈଠକ ବିବରଣୀରୁ ଏହା ସ୍ପଷ୍ଟ ହୋଇଛି । ଓଟିଭିର ହସ୍ତଗତ ହୋଇଥିବା ଏପ୍ରିଲ ୪ ପରିଚାଳନା କମିଟି&nbsp; ବୈଠକ ବିବରଣୀର ନକଲରେ ପରିଚାଳନା କମିଟି ସଦସ୍ୟ, ଏପରିକି ନିଜେ ଗଜପତି&nbsp; ମହାରାଜ ବି ଚାବି ହଜିବା ବିଷୟ ଜାଣି ଆଶ୍ଚର୍ଯ୍ୟ ଚକିତ ହୋଇପଡ଼ିଥିବା ଉଲ୍ଲେଖ ରହିଛି। &nbsp;&nbsp;&nbsp;ରତ୍ନଭଣ୍ଡାର ସ୍ଥିତି ଯାଞ୍ଚବେଳେ ମନ୍ଦିର ପ୍ରଶାସନ ଦେଇଥିବା ଚାବି ଭୁଲ୍ ବୋଲି&nbsp; ଯାଞ୍ଚ ଟିମ୍&nbsp; ସଦସ୍ୟ କହିବା ପରେ କଥା ପଦାକୁ ଆସିଥିଲା,&nbsp; ଯାହା ମହାପ୍ରଭୁଙ୍କ ରତ୍ନ ଭଣ୍ଡାର ସୁରକ୍ଷା ନେଇ&nbsp; ବଡ଼ ପ୍ରଶ୍ନ ଠିଆ କରିଛି ।</p> <p>ସୂଚନାଯୋଗ୍ୟ, ଶ୍ରୀମନ୍ଦିର ରତ୍ନଭଣ୍ଡାର ଯାଞ୍ଚବେଳେ କାହିଁକି ଭିତର ଭଣ୍ଡାରକୁ ପଶି ପାରି&nbsp; ନ ଥିଲେ ଟିମ୍ । ଭଣ୍ଡାର ଚାବି ନ ଖୋଲି ଲୁହା ଜାଲି ବାଟେ ସର୍ଚ୍ଚ ଲାଇଟ୍ରେ&nbsp; ହୋଇଥିଲା ସ୍ଥିତି ଅନୁଧ୍ୟାନ । ଏପ୍ରିଲ&nbsp; ୪ରେ ରତ୍ନଭଣ୍ଡାର ଯାଞ୍ଚ ପରେ ପରେ ଶ୍ରୀମନ୍ଦିର ପରିଚାଳନା କମିଟି ବୈଠକର ବିବରଣୀ&nbsp; ଯେଉଁଥିରେ ସ୍ପଷ୍ଟ ଭାବେ ଉଲ୍ଲେଖ କରାଯାଇଛି ଯେ, ରତ୍ନଭଣ୍ଡାର ଯାଞ୍ଚ ପାଇଁ ଯାଇଥିବା&nbsp; ସଭ୍ୟମାନେ ଭିତର ଭଣ୍ଡାର ଦ୍ୱାର ଗ୍ରୀଲରେ ୩ଟି ତାଲା ପଡ଼ିଥିବା ଦେଖିଥିଲେ ଯେଉଁଥିରୁ&nbsp; ଗୋଟିଏ ତାଲା ଜଉମୁଦ ଦିଆଯାଇଥିଲା। ହେଲେ ଶ୍ରୀମନ୍ଦିର ପ୍ରଶାସନ ଦେଇଥିବା ଚାବିକାଠି ସେ&nbsp; ତାଲାର ନୁହେଁ ବୋଲି ଅନୁଭବ ହେବାରୁ ବିନା ପରିଚାଳନା କମିଟି ଅନୁମୋଦନରେ ତାଲା&nbsp; ନ ଭାଙ୍ଗି&nbsp; ଗ୍ରୀଲ ଏପଟୁ ଥାଇ ଭିତର ସ୍ଥିତି ପରଖିଥିଲେ ।</p> <p>କେଉଁ ପରିସ୍ଥିତିରେ&nbsp; ଦିଆଯାଇଥିଲା ଭୁଲ୍ ଚାବି, ତାକୁ ନେଇ ବି ବୈଠକରେ ତନାଘନା ହୋଇଥିଲା । ପୁରୀ ଜିଲ୍ଲାପାଳ&nbsp; କହିଥିଲେ, ଟ୍ରେଜେରୀରେ ଥିବା ସବୁ ଟ୍ରେଜରିକୁ &nbsp;ସେ ପୁଙ୍ଖାନୁପୁଙ୍ଖ ଭାବେ ଖୋଜିଥିଲେ&nbsp;&nbsp;&nbsp;&nbsp;&nbsp; । ୧୯୭୦ ମସିହାରୁ ଭିତର ଭଣ୍ଡାର ଚାବି ଜମା ରହିବା କିମ୍ବା ପରେ ଟ୍ରେଜେରୀରୁ ଚାବି&nbsp; ଅଣାଯିବାର କୌଣସି ପ୍ରମାଣ ପାଇ ନ ଥିଲେ। ତେଣୁ ଚାବି ହଜି ଯାଇଥିବା ଏକପ୍ରକାର ସ୍ପଷ୍ଟ&nbsp; ହୋଇଥିଲା। ଯାହାଶୁଣି ପରିଚାଳନା କମିଟି ସଭ୍ୟ ଓ ଗଜପତି ମହାରାଜ ଆଶ୍ଚର୍ଯ୍ୟ ପ୍ରକଟ&nbsp; କରିଥିଲେ ।</p> <p>ଏବେ ପ୍ରଶ୍ନ ଉଠୁଛି ଯଦି ଭିତର ଭଣ୍ଡାର ଚାବି ନ ମିଳେ ଆଗକୁ କଣ କରାଯିବ। ବୈଠକରେ ଏହା ଉପରେ&nbsp; ବି ହୋଇଥିଲା ଆଲୋଚନା । ଯେଉଁଥିରେ ଚାବି ଭଙ୍ଗାଯିବା ନିଷ୍ପତ୍ତି ସମ୍ପର୍କରେ ଶ୍ରୀମନ୍ଦିର&nbsp; ପରିଚାଳନା କମିଟିର ପରବର୍ତ୍ତୀ ବୈଠକରେ ଆଲୋଚନା ପାଇଁ ସମସ୍ତେ ଏକମତ ହୋଇଥିଲେ । &nbsp;ଯେହେତୁ ପ୍ରତି ୩ବର୍ଷରେ ବାହାର ଓ ଭିତର ଭଣ୍ଡାରର ଅଳଙ୍କାର ଓ ଅନ୍ୟ ଦ୍ରବ୍ୟର&nbsp; ତାଲିକା ପ୍ରସ୍ତୁତ ପାଇଁ ଶ୍ରୀମନ୍ଦିର ଆଇନରେ ଉଲ୍ଲେଖ ଅଛି, ତେଣୁ ତାକୁ ନିୟମିତ କାର୍ଯ୍ୟକାରୀ&nbsp; କରିବାକୁ ସଭ୍ୟମାନେ ମତ ଦେଇଥିଲେ। ତେବେ ଏଠି ପ୍ରଶ୍ନ ଉଠୁଛି ଯଦି ଶ୍ରୀମନ୍ଦିର ଆଇନରେ&nbsp; ତିନି ବର୍ଷରେ ଥରେ ତାଲିକା କରିବାକୁ ବ୍ୟବସ୍ଥା ଥିଲା ତାହାଲେ ତାହା କାର୍ଯ୍ୟକାରୀ ହେଉ ନ ଥିଲା&nbsp; କାହିଁକି।&nbsp; ଏହା ପଛରେ ଚାବି ହଜିବା କାରଣ ନଥିଲା ତ ?</p>