ଓଡ଼ିଶାରେ ଏହି ୩ଟି ପର୍ଯ୍ୟଟନସ୍ଥଳୀକୁ ସି-ପ୍ଲେନ ସେବା ଆରମ୍ଭ କରିବାକୁ ପ୍ରସ୍ତାବ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଓଡ଼ିଶାରେ ସି-ପ୍ଲେନ ସେବା ଆରମ୍ଭ ହେବ। ଏଥିଲାଗି ରାଜ୍ୟ ସରକାରଙ୍କୁ ପ୍ରସ୍ତାବ ଦେଇଛି ବିମାନସେବା ପ୍ରଦାନକାରୀ କମ୍ପାନୀ &lsquo;ସ୍ପାଇସ ଜେଟ୍&rsquo;। ଭୁବନେଶ୍ୱରରୁ ପୁରୀ ଭାୟା ଚିଲିକା, ଭୁବନେଶ୍ୱରରୁ ଚାନ୍ଦିପୁର ଭାୟା ଭିତରକନିକା ଓ ଭୁବନେଶ୍ୱରରୁ ହୀରାକୁଦ ଡ୍ୟାମ ମଧ୍ୟରେ ସି-ପ୍ଲେନ ଚଳାଇବା ଲାଗି ରାଜ୍ୟ ସରକାରଙ୍କୁ &lsquo;ସ୍ପାଇସ ଜେଟ୍&rsquo; ପକ୍ଷରୁ ପ୍ରସ୍ତାବ ଦିଆଯାଇଛି। ଏସବୁ ସ୍ଥାନ ମଧ୍ୟରେ ସି-ପ୍ଲେନ ଚଳାଚଳ କରିବା କେତେ ସମ୍ଭବ ସେନେଇ ଫିଜିବିଲଟି ଷ୍ଟଡି, ଏହି ତିନି ସ୍ଥାନର ପର୍ଯ୍ୟଟନ କ୍ଷମତା ଓ ଆଞ୍ଚଳିକ ଆବଶ୍ୟକତା ଦେଖି କମ୍ପାନୀ ନିଜର ଡିପିଆର ପ୍ରସ୍ତୁତ କରୁଥିବା ଜଣାଇଛି।</p> <p>ସେପଟେ ସ୍ପାଇସ ଜେଟ୍&zwnj;ରେ ପ୍ରସ୍ତାବ ପାଇବା ପରେ ଆବଶ୍ୟକ ପଦକ୍ଷେପ ନେବାକୁ ପର୍ଯ୍ୟଟନ ବିଭାଗକୁ ଚିଠି ଲେଖିଛି ସାଧାରଣ ପ୍ରଶାସନ ବିଭାଗ। ଓ୍ୱାଟର ଏରୋଡ୍ରୋମ ପ୍ରତିଷ୍ଠା କେତେଦୂର ସମ୍ଭବ, ସେନେଇ କମ୍ପାନୀ ଓ ଏୟାରପୋର୍ଟସ୍&zwnj; ଅଥରିଟି ଅଫ୍ ଇଣ୍ଡିଆ କର୍ତ୍ତୃପକ୍ଷଙ୍କ ସହ ଯୋଗାଯୋଗ କରିବାକୁ ପର୍ଯ୍ୟଟନ ବିଭାଗକୁ କୁହାଯାଇଛି।</p>