ମଣିଷ ଓ ପଶୁର ନିଆରା ସମ୍ପର୍କ: ‘ଚନ୍ଦୁ’ର ମୃତ୍ୟୁରେ ମ୍ରିୟମାଣ ପୂରା ପରିବାର

<p>ନବରଙ୍ଗପୁର(ଓଡ଼ିଶା ରିପୋର୍ଟର): କୁହାଯାଏ କୁକୁର ହିଁ ମଣିଷର ପ୍ରକୃତ ବନ୍ଧୁ। ହେଲେ ପୋଷା କୁକୁରର ମୃତ୍ୟୁ ପରେ ବି ବନ୍ଧୁତାକୁ ସମ୍ମାନ ଦେବାକୁ ଯାଇ ମଣିଷ କ&rsquo;ଣ କରିପାରେ ତାର ଉଦାହରଣ ଦେଖିବାକୁ ମିଳିଛି ନବରଙ୍ଗପୁରରେ। ସ୍ଥାନୀୟ ବାସିନ୍ଦା ରାମରମଣ ପଣ୍ଡା ନିଜ ପୋଷା କୁକୁର &lsquo;ଚନ୍ଦୁ&rsquo;ର ମୃତ୍ୟୁ ପରେ କ୍ରିୟାକର୍ମ କରିବା ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି।</p> <p>ଡୋବରମ୍ୟାନ &lsquo;ଚନ୍ଦୁ&rsquo; ରାମ ରମଣଙ୍କ ପରିବାରର ଏକ ଖାସ୍&zwnj; ସଦସ୍ୟ ଥିଲା। &lsquo;ଚନ୍ଦୁ&rsquo;କୁ ୧୭ ଦିନ ହୋଇଥିଲା ରାମ ରମଣ ତାକୁ ଘରକୁ ଆଣିଥିଲେ। ସେବେଠୁ ନିଜ ପିଲା ଭଳି ପାଳିଥିଲେ। ସ୍ତ୍ରୀ ଆଉ ଦୁଇ ଝିଅକୁ ନେଇ ରାମରମଣଙ୍କ ପରିବାରରେ &lsquo;ଚନ୍ଦୁ&rsquo; ବି ପାଲଟି ଯାଇଥିଲା ଅନ୍ୟ ଏକ ସଦସ୍ୟ। ଏପରି କି ରାମରମଣଙ୍କ ଦୁଇ ଝିଅ ମଧ୍ୟ ରାକ୍ଷୀ ପୂର୍ଣ୍ଣିମାରେ &lsquo;ଚନ୍ଦୁ&rsquo;କୁ ରାକ୍ଷୀ ବନ୍ଧୁଥିଲେ। ଚନ୍ଦୁ କଥା କହିପାରୁ ନଥିଲା ସତ, ହେଲେ ପଣ୍ଡା ପରିବାର ଲୋକେ ଅତି ସହଜରେ ବୁଝି ପାରୁଥିଲେ ତା&rsquo;ର ଭାବନାକୁ। ମୁରବୀଙ୍କ ଅନୁପସ୍ଥିତିରେ &lsquo;ଚନ୍ଦୁ&rsquo; ପିଲାଙ୍କ ରକ୍ଷକ ବି ସାଜୁଥିଲା।</p> <p>ହେଲେ ନିକଟରେ &lsquo;ଚନ୍ଦୁ&rsquo; ହଠାତ୍ ଅସୁସ୍ଥ ହୋଇ ଇହ ଜଗତ ତ୍ୟାଗ କରିଛି। &lsquo;ଚନ୍ଦୁ&rsquo;ର ମୃତ୍ୟୁ ପରେ ରାମ ରମଣଙ୍କ ପରିବାର ଲୋକେ ଦୁଃଖରେ ମ୍ରିୟମାଣ ହୋଇପଡ଼ିଛନ୍ତି। &lsquo;ଚନ୍ଦୁ&rsquo;ର ଦାହ ପାଇଁ ଆବଶ୍ୟକୀୟ କାଠ ଯୋଗାଡ଼ କରିବା ପରେ ଶେଷ ଶଯ୍ୟାରେ ତାକୁ ଶୁଆଇ ଦେଇଥିଲେ ତା&rsquo;ର ନିଜ ଲୋକେ।। ଏମିତିକି ମୁଖାଗ୍ନି ଦେବା ବେଳେ କୋହ ସମ୍ଭାଳି ପାରି ନାହାନ୍ତି ରାମରମଣ।</p>