ପ୍ରଥମେ ନିଶା ଚକୋଲେଟ୍‌ ଦେଲେ, ତା’ପରେ ସ୍କାଇଲାଇଟ୍‌ ବାଟେ ଅଶ୍ଲୀଳ ଭିଡ଼ିଓ ସୁଟିଂ କଲେ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ଶିକ୍ଷାନୁଷ୍ଠାନ କ୍ୟାମ୍ପସ ନିଶା ମୁକ୍ତ ହେବ। କ୍ୟାମ୍ପସଠାରୁ ୧୦୦ ମିଟର ଭିତରେ କୌଣସି ନିଶା ସାମଗ୍ରୀ ବିକ୍ରି କରାଯାଇପାରିବ ନାହିଁ। କିଛି ଦିନ ତଳେ ପୋଲିସ୍&zwnj; ଡିଜି ଏହି ନିର୍ଦ୍ଦେଶ ଦେଇଥିଲେ। ଏହା ସତ୍ତ୍ୱେ କ୍ୟାମ୍ପସ ନିଶା କବଳରୁ ମୁକୁଳି ପାରୁନାହିଁ। ଆଜି ଏପରି ଏକ ଅଭିଯୋଗ ରାଜଧାନୀ ଭୁବନେଶ୍ୱର ଛାତି ଉପରେ ଏକ ଶିକ୍ଷାନୁଷ୍ଠାନ ବିରୋଧରେ ଆସିଛି। ସହପାଠିନୀଙ୍କ ପାଖରୁ ନିଶା ଚକୋଲେଟ୍&zwnj; ଖାଇ ଛାତ୍ରୀ ଅସୁସ୍ଥ ହୋଇ ମେଡ଼ିକାଲରେ ଭର୍ତ୍ତି ହୋଇଛନ୍ତି। ଏପରିକି ଛାତ୍ରୀଙ୍କ ଅଶ୍ଳୀଳ ଭିଡ଼ିଓ ପ୍ରସ୍ତୁତ କରାଯାଇ ତାଙ୍କୁ ବ୍ଲାକମେଲ୍&zwnj; କରାଯାଉଥିବା ଅଭିଯୋଗ ହୋଇଛି।</p> <p>ଚକୋଲେଟ୍&zwnj;ରେ ନିଶା। ସ୍କାଇଲାଇଟ୍&zwnj; ବାଟେ ଅସାମାଜିକ ଯୁବକ ଜଣକ ଉଠାଇଛି ଛାତ୍ରୀଙ୍କ ଅଶ୍ଲୀଳ ଫଟୋ ଉଠାଇଛି। ଏହି ଫଟୋ ଦେଖାଇ ଅଭିଯୁକ୍ତ ଯୁବକ, ଛାତ୍ରୀଙ୍କୁ ବ୍ଲାକମେଲ୍&zwnj; କରୁଥିବା ଛାତ୍ରୀଙ୍କ ବାପା ଖାରବେଳନଗର ଥାନାରେ ଅଭିଯୋଗ କରିଛନ୍ତି। ପୋଲିସ ଅଭିଯୋଗକୁ ଭିତ୍ତି କରି ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।</p> <p>ଗତକାଲି ଛାତ୍ରୀ ଜଣକ ପରୀକ୍ଷା ଦେବା ପାଇଁ ଶିକ୍ଷାନୁଷ୍ଠାନକୁ ଯାଇଥିଲା। କଲେଜରେ ଜଣେ ସହପାଠିନୀ ତାଙ୍କୁ ଚକୋଲେଟ୍&zwnj; ଖାଇବାକୁ ଦେଇଥିଲେ। ମାତ୍ର ଛାତ୍ରୀ ଜଣକ କିଛି ବୁଝିନପାରି ଚକୋଲେଟ ଖାଇଦେଇଥିଲେ। ଘରେ ପହଞ୍ଚିବା ପରେ ସେ ଅସୁସ୍ଥ ହୋଇପଡ଼ି ଥିଲେ। ତାଙ୍କୁ ମେଡ଼ିକାଲରେ ଭର୍ତ୍ତି କରାଯାଇଛି। ତେବେ ପୀଡିତା ଛାତ୍ରୀ ଅଭିଯୋଗ ଆଣିଥିବା ଛାତ୍ରୀଙ୍କ ନାଁରେ ଶିକ୍ଷାନୁଷ୍ଠାରେ କେହି ନାହାଁନ୍ତି। ଛାତ୍ରୀଙ୍କୁ ମେଡ଼ିକାଲରେ ଭେଟିବା ପରେ ଏହା ସ୍ପଷ୍ଟ କରିଛନ୍ତି ଶିକ୍ଷାନୁଷ୍ଠାନର ଏଚ୍&zwnj;ଓଡି।</p>