ସୁନ୍ଦରଗଡ଼: ସୁନ୍ଦରଗଡ଼ ଜିଲ୍ଳାରେ ବେଆଇନ୍ ଗୋ-ଚାଲାଣ ଓ ଗୋ-ହତ୍ୟା ବନ୍ଦ କରିବା ଦାବି ତେଜିବାରେ ଲାଗିଛି।ଏହାକୁ କେନ୍ଦ୍ରକରି ଜିଲ୍ଲରେ ବେଶ କିଛିଦିନ ହେବ ଲାଗିରହିଛି ଉତ୍ତେଜନା। ଏହି ଘଟଣାରେ ପୋଲିସ ଭାରତୀୟ ସନ୍ଥ ସେବାର ସଦସ୍ୟ ସ୍ୱାମୀ ତେଜମୟ ସ୍ୱରୁପଙ୍କୁ ସାମ୍ପ୍ରଦାୟିକ ଉତ୍ତେଜନା ସୃଷ୍ଟି କରୁଥିବା ଅଭିଯୋଗରେ ଗିରଫ ପରେ ଅସନ୍ତୋଷ ବଢ଼ିବାରେ ଲାଗିଛି। ଏହି ଗିରଫଦାରୀକୁ ବିରୋଧ କରି ଜେଲ୍ ଭିତରେ ତେଜମୟ ସ୍ୱରୁପ ଅନଶନ ଚଳାଇଥିଲେ ବୋଲି ସୁନ୍ଦରଗଡ଼ ଏସପି ଆର୍. ପ୍ରକାଶ କହିଛନ୍ତି। ଶନିବାର ଅନଶନରେ ବସିଥିବା ତେଜମୟ ସ୍ୱରୂପଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ହେବାରୁ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ଏପଟେ ତାଙ୍କ ଗିରଫଦାରୀକୁ ବିରୋଧ କରି ରାଜଗାଙ୍ଗପୁର ଓ ସୁନ୍ଦରଗଡ଼ର ଏକ ପ୍ରତିନିଧି ଦଳ ଏସ୍ପି ଆର୍ ପ୍ରକାଶଙ୍କୁ ଭେଟି ଜେଲରୁ ନିଃସର୍ତ୍ତ ଖଲାସ ଦାବି କରିଛନ୍ତି। ତା'ସହ ଗୋ-ଚାଲାଣକୁ ବନ୍ଦ କରାଯାଉ ବୋଲି ଉଭୟ କମିଟି ଦାବି କରିଛନ୍ତି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
