ଭୁବନେଶ୍ୱର ( ଓଡ଼ିଶା ରିପୋର୍ଟର ): କଳାପାହାଡ଼ ହୋଇ ଆଉ ମଠ ଭାଙ୍ଗନ୍ତୁ ନାହିଁ। ଯଦି ଭାଙ୍ଗିବେ ତେବେ ବାବାଜୀଙ୍କ ଲୁହରେ ହୁତୁହୁତୁ ହୋଇ ଜଳିଯିବେ। ଆଜି କିଛି ଏପରି ଢଙ୍ଗରେ ମୁଖ୍ୟମନ୍ତ୍ରୀଙ୍କୁ କଳାପାହାଡ଼ ସହ ତୁଳନା କରିଛନ୍ତି ବରିଷ୍ଠ କଂଗ୍ରେସ ବିଧାୟକ ସୁରେଶ ଚନ୍ଦ୍ର ରାଉତରାୟ।
ବିଧାୟକ ସୁରେଶ ଚନ୍ଦ୍ର ରାଉତରାୟ କହିଛନ୍ତି, ଶ୍ରୀଜଗନ୍ନାଥଙ୍କ ନୀତି ସହ ପୁରୀରେ ଥିବା ମଠର ବହୁ ପୁରାତନ ସଂପର୍କ ରହିଛି। ତେଣୁ ଏହାକୁ ଉଚ୍ଛେଦ କରିବା ଆଦୌ ଉଚିତ୍ ନୁହେଁ। ମୁଖ୍ୟମନ୍ତ୍ରୀଙ୍କ ଘୋଷଣା କେବଳ ଘୋଷଣାରେ ହିଁ ସୀମିତ ରହିଯାଏ। ଚିଟ୍ ଫଣ୍ଡ ଜମାକାରୀଙ୍କୁ ୩୦୦ କୋଟି ଫେରାଇବେ ବୋଲି ଦୀର୍ଘ ବର୍ଷ ପୂର୍ବେ ପ୍ରତିଶ୍ରୁତି ଦେଇଥିଲେ ମୁଖ୍ୟମନ୍ତ୍ରୀ। ହେଲେ ଏବେଯାଏ ଟଙ୍କାର ନାଁଗନ୍ଧ ନାହିଁ।
ଶ୍ରୀଜିଉଙ୍କ ନବକଳେବର ପାଇଁ ଆସିଥିବା ୩ ହଜାର କୋଟି ଟଙ୍କାଙ୍କୁ ମିଳିମିଶି ଖାଇଗଲେ। ତେଣୁ ଏବେ ଅନ୍ତତଃ ଆଉ ମଠ ଆଡ଼କୁ ନଜର ପକାନ୍ତୁ ନାହିଁ ବୋଲି ସୁର ଆକ୍ଷେପ କରି କହିଛନ୍ତି। ସୁରଙ୍କ ଅଭିଯୋଗ ନେଇ ବିଜେଡି କିମ୍ବା ରାଜ୍ୟ ସରକାରଙ୍କ ପକ୍ଷରୁ ପ୍ରତିକ୍ରିୟା ମିଳିପାରିନି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
