ବିଜେପୁର ପରାଜୟ ପାଇଁ ସୁର ରାଉତରାୟ କାହାକୁ ଦୋଷ ଦେଲେ ପଢ଼ନ୍ତୁ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ବିଜେପୁର ଉପନିର୍ବାଚନରେ କଂଗ୍ରେସ ଦଳ ପରାଜିତ ହୋଇଛି। ଏନେଇ ଆଜି କଂଗ୍ରେସର ବରିଷ୍ଠ ନେତା ସୁରେଶ ରାଉତରାୟ ମୁହଁ ଖୋଲିଛନ୍ତି।&nbsp; ସେ କହିଛନ୍ତି,&ldquo; କଂଗ୍ରେସର ପରାଜୟ ପାଇଁ ଦଳ ନିଜେ ହିଁ ଦାୟୀ। ଆମର ଟିକେଟ୍ ଚୟନ ଓ କମିଟି ଗଠନ କରିବାରେ ବିଳମ୍ବ ହେଲା।&rdquo;</p> <p>ଏହାସହିତ ସେ ମୁଖ୍ୟମନ୍ତ୍ରୀଙ୍କ ଉପରେ ମଧ୍ୟ ବର୍ଷିଛନ୍ତି। ସେ କହିଛନ୍ତି,&ldquo;ନବୀନ ଆଦର୍ଶ ମୁଖ୍ୟମନ୍ତ୍ରୀର ଡିଣ୍ଡିମ ପିଟୁଛନ୍ତି ହେଲେ ଟଙ୍କା ବାଣ୍ଟୁଛନ୍ତି। ମୁଣ୍ଡ ପିଛା ବିଜେଡି ୧୦ ହଜାର ଏବଂ ବିଜେପି ୮ ହଜାର ବାଣ୍ଟିଛି।&rdquo;</p> <p>ସେହିପରି ପିସିସି ସଭାପତି ପ୍ରସାଦ ହରିଚନ୍ଦନଙ୍କ ଇସ୍ତଫା ପରେ ନୂଆ ପିସିସି ସଭାପତି ନେଇ ମତ ରଖିଛନ୍ତି ସୁରେଶ ରାଉତରାୟ।</p> <p>ସେ କହିଛନ୍ତି,&ldquo; ଦଳ ସୁପ୍ରିମୋ ରାହୁଲ ଯାହା ନିଷ୍ପତ୍ତି ନେବେ, ଆମେ ମାନିବୁ।&rdquo;</p> <p>ସୁରେଶ ରାଉତରାୟ&nbsp; ଆଉ କ&rsquo;ଣ କହୁଛନ୍ତି ଶୁଣନ୍ତୁ:</p> <p>ସୂଚନାଯୋଗ୍ୟ, ପିସିସି ସଭାପତି ପଦରୁ ପ୍ରସାଦଙ୍କ ଇସ୍ତଫା ନେଇ ଗତକାଲି ସୁରେଶ ରାଉତରାୟ ସ୍ପଷ୍ଟ କରିଥିଲେ। ସେ ତାଙ୍କ ଇସ୍ତଫା ପତ୍ର&nbsp; ହାଇକମାଣ୍ଡଙ୍କୁ ପଠାଇ ଦେଇଛନ୍ତି। ବିଜେପୁର ଉପନିର୍ବାଚନରେ କଂଗ୍ରେସର ପରାଜୟ କାରଣକୁ ନେଇ ସେ ଇସ୍ତଫା ଦେଇଛନ୍ତି ବୋଲି&nbsp; ସୁର କହିଥିଲେ। ଏହାସହିତ ସେ ନରସିଂହଙ୍କ ଉପରେ ମଧ୍ୟ ବର୍ଷିଥିଲେ।</p> <p>ବିଜେପୁର ଉପନିର୍ବାଚନରେ କଂଗ୍ରେସ ପ୍ରାର୍ଥୀ ପ୍ରଣୟ ସାହୁ ୧୦,୨୭୪ ଭୋଟ୍&zwnj; ପାଇଥିଲେ। ଗତ ବିଧାନସଭା ନିର୍ବାଚନରେ କଂଗ୍ରେସରୁ ଛିଡ଼ା ହୋଇଥିବା ସୁବଳ ସାହୁ ୫୩ ହଜାରରୁ ଅଧିକ ଭୋଟ ପାଇଥିଲେ।</p>