ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ବିଜେପୁର ଉପ-ନିର୍ବାଚନ ପରେ ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତାଙ୍କ ମନ୍ତ୍ରୀଙ୍କ ମଧ୍ୟରେ ବିଭାଗ ଅଦଳବଦଳ କରିଛନ୍ତି। ଏପରିକି ମୁଖ୍ୟମନ୍ତ୍ରୀ ନିଜ ଅଧୀନରେ ରଖିଥିବା ପୂର୍ତ୍ତ ଓ ଜଳ ସଂପଦ ବିଭାଗକୁ ମଧ୍ୟ ଛାଡ଼ି ଦେଇଛନ୍ତି। ଅନେକ ଦିନରୁ ଏହି ଦୁଇଟି ବିଭାଗ ତାଙ୍କ ପାଖରେ ଥିଲା।<br /> ଗୃହ ଓ ନଗର ଉନ୍ନୟନ ମନ୍ତ୍ରୀ ନିରଞ୍ଜନ ପୂଜାରୀଙ୍କୁ ଜଳ ସଂପଦ ବିଭାଗ ଦିଆଯାଇଛି। ସେ ପୂର୍ବ ଭଳି ଗୃହ ଓ ନଗର ଉନ୍ନୟନ ବିଭାଗ ଦାୟିତ୍ୱ ମଧ୍ୟ ତୁଲାଇବେ।<br /> ଉଚ୍ଚ ଶିକ୍ଷା ମନ୍ତ୍ରୀ ଅନନ୍ତ ଦାସଙ୍କୁ ଶିଳ୍ପ ବିଭାଗ ଦାୟିତ୍ୱ ମିଳିଛି। ଏହା ସହିତ ସେ ପୂର୍ବଭଳି ଉଚ୍ଚ ଶିକ୍ଷା ବିଭାଗର ଦାୟିତ୍ୱ ମଧ୍ୟ ତୁଲାଇବେ। ଶିଳ୍ପ ବିଭାଗଟି ପୂର୍ବରୁ ନିରଞ୍ଜନ ପୂଜାରୀଙ୍କ ହାତରେ ଥିଲା।<br /> ପ୍ରଫୁଲ୍ଲ ମଲ୍ଲିକଙ୍କୁ ପୂର୍ତ୍ତ ବିଭାଗ ମନ୍ତ୍ରୀ କରାଯାଇଛି। ତେବେ ପୂର୍ବଭଳି ସେ ଇସ୍ପାତ ଓ ଖଣି ବିଭାଗ ମନ୍ତ୍ରୀ ମଧ୍ୟ ରହିବେ। ତାଙ୍କ ହାତରୁ ଶକ୍ତି ବିଭାଗ କାଢ଼ି ନିଆଯାଇ ଶ୍ରମ ଓ ନିଯୁକ୍ତି ମନ୍ତ୍ରୀ ସୁଶାନ୍ତ ସିଂଙ୍କୁ ଦିଆଯାଇଛି। ସୁଶାନ୍ତ ସିଂଙ୍କ ହାତରେ ପୂର୍ବଭଳି ଶ୍ରମ ବିଭାଗ ମଧ୍ୟ ରହିବ।<br /> ସ୍ୱାସ୍ଥ୍ୟ ଓ ପରିବାର କଳ୍ୟାଣ ମନ୍ତ୍ରୀ ପ୍ରତାପ ଜେନାଙ୍କୁ ଲୋକ ସଂପର୍କ ଓ ସୂଚନା ପ୍ରସାରଣ ବିଭାଗ ଦିଆଯାଇଛି। ସେ ଦୁଇଟି ଯାକ ବିଭାଗ କଥା ବୁଝିବେ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
