ଉତ୍କଳ ବିଶ୍ୱବିଦ୍ୟାଳୟରେ ବିଜ୍ଞାପନ ଲିଫ୍‌ଲେଟ୍‌ ବଣ୍ଟାକୁ ନେଇ ବିଜୁ ଛାତ୍ର ଜନତା ଦଳ ଦୁଇ ଫାଳ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ଉତ୍କଳ ବିଶ୍ୱବିଦ୍ୟାଳୟରେ ବିଜ୍ଞାପନ ଲିଫ୍&zwnj;ଲେଟ୍&zwnj; ବଣ୍ଟାକୁ ନେଇ ଦୁଇଫାଳ ହୋଇଯାଇଛି ବିଜୁ ଛାତ୍ର ଜନତା ଦଳ(ବିସିଜେଡି)। ବିଶ୍ୱବିଦ୍ୟାଳୟର ଘରୋଇ ଶିକ୍ଷାନୁଷ୍ଠାନର ଲିଫଲେଟ୍&zwnj; ବଣ୍ଟାଯିବାବେଳେ ବେଆଇନ ଭାବରେ ଆଦାୟ ହେଉଥିବା ବଟିକୁ ନେଇ ବିସିଜେଡିର କିଛି ସଦସ୍ୟ ବିରୋଧ କରିଥିବା ବେଳେ ଆଉ କିଛି ସମର୍ଥନ କରିଛନ୍ତି। ଯାହାକୁ ନେଇ ବିବାଦୀୟ ପରିସ୍ଥିତି ସୃଷ୍ଟି ହୋଇଛି।</p> <p>ଭୁବନେଶ୍ୱର ଜିଲ୍ଲା ସଭାପତି କଳ୍ପତରୁ ଓଝା ଓ ତାଙ୍କର ସମର୍ଥକ ଏପରି ବଟି ଆଦାୟକୁ ବିରୋଧ କରିଛନ୍ତି। ଏହାକୁ ନେଇ ଉତ୍କଳ ବିଶ୍ୱବିଦ୍ୟାଳୟ ଛାତ୍ର ସଂସଦ ସଭାପତି ପ୍ରାର୍ଥୀ ଥିବା ସୌମ୍ୟରଞ୍ଜନ ମହାପାତ୍ର ଓ କଳ୍ପତରୁଙ୍କ ମଧ୍ୟରେ କନ୍ଦଳ ସୃଷ୍ଟି ହୋଇଛି। ପରେ ଏହା ଗଣ୍ଡଗୋଳ ରୂପ ନେଇଛି। ଏନେଇ ଜଣେ ଛାତ୍ରଙ୍କୁ ଅପହରଣ କରାଯାଇଥିବା ଡିସିପି ଅଫିସରେ ଏକ ଲିଖିତ ଅଭିଯୋଗ କରିଥିଲେ ସୌମ୍ୟରଞ୍ଜନ। କମିଶନରେଟ ପୋଲିସ କଳ୍ପତରୁଙ୍କ ସମେତ ୩ଜଣଙ୍କୁ ଗିରଫ କରିଛି। ପୋଲିସ ଅନ୍ୟାୟ ଭାବରେ ଗିରଫ କରିଥିବା ଦର୍ଶାଇ ପ୍ରତିବାଦ ସ୍ୱରୂପ କଳ୍ପତରୁଙ୍କ ସମର୍ଥକ ବିଜେବି କଲେଜ ସମ୍ମୁଖରେ ଜାତୀୟ ରାଜପଥକୁ ଅବରୋଧ କରିଥିଲେ।</p> <p>&amp;nbsp;</p> <p>&amp;nbsp;</p> <p>&amp;nbsp;</p>