ଭୁବନେଶ୍ୱର(ଓଡ଼ିଶା ରିପୋର୍ଟର): ଲକଡାଉନ୍ ଉଠିବା ପରେ CBSEର ବାକି ଥିବା ପରୀକ୍ଷା ନେଇ ତାରିଖ ଧ୍ୟାର୍ଯ୍ୟ ହେବ। ଏହାର ୧୦ ଦିନ ପୂର୍ବରୁ ଅଭିଭାବକ ଓ ଛାତ୍ରଛାତ୍ରୀଙ୍କୁ ଅବଗତ କରାଯିବ। ଏନେଇ ସୂଚନା ଦେଇଛନ୍ତି ସିବିଏସ୍ଇ ଆଞ୍ଚଳିକ ମୁଖ୍ୟ ଟି. ମାଟେ। କେଉଁ ତାରିଖରେ କେଉଁ ବିଷୟର ପରୀକ୍ଷା ହେବ ସେ ନେଇ ଚୂଡ଼ାନ୍ତ ନିଷ୍ପତ୍ତି ପରେ ସୂଚନା ଦିଆଯିବ।
ପରୀକ୍ଷା ପାଇଁ ଛାତ୍ରଛାତ୍ରୀ ନିଜକୁ ପ୍ରସ୍ତୁତ ରଖିବାକୁ ସିବିଏସଇ ପରାମର୍ଶ ଦେଇଛି। ପରୀକ୍ଷା ବେଳେ ସାମାଜିକ ଦୂରତ୍ୱ ପ୍ରତି ବିଶେଷ ଧ୍ୟାନ ଦିଆଯିବ ବୋଲି ସିବିଏସଇ ଆଞ୍ଚଳିକ ମୁଖ୍ୟ କହିଛନ୍ତି। ମାର୍ଚ୍ଚ ୨୦ରେ ଦଶମ ଓ ମାର୍ଚ୍ଚ ୩୦ରେ ସିବିଏସ୍ଇ ଦ୍ୱାଦଶ ଶ୍ରେଣୀ ପରୀକ୍ଷା ସରିଥାନ୍ତା। ତେବେ କରୋନା ପାଇଁ ଦିଆଯାଇଥିବା ଲକ୍ଡାଉନ୍ ଯୋଗୁ ଏହି ସବୁ ପରୀକ୍ଷା ଏବେ ସ୍ଥଗିତ ରହିଛି।