ସ୍ୱଚ୍ଛତା ପାଇଁ ପୁରସ୍କୃତ ହୋଇଛି ଜିଲ୍ଲା, ବାସ୍ତବ ସ୍ଥିତି  କିନ୍ତୁ ଏମିତି

<p>ଦେବଗଡ଼(ସିଦ୍ଧାର୍ଥ ଗୁରୁ): ଦେବଗଡ଼କୁ ରାଜ୍ୟର ପ୍ରଥମ ଗ୍ରାମାଞ୍ଚଳ ଓପନ ଡେଫିକେସନ ବା ବାହ୍ୟ ମଳତ୍ୟାଗ ମୁକ୍ତ ଜିଲ୍ଲା ଭାବେ ବର୍ଷେ ତଳୁ ଘୋଷଣା କରାଯାଇଛି। ଏପରିକି ଚଳତି ମାସ ଆରମ୍ଭରେ ଦେବଗଡ଼ ପୌରାଞ୍ଚଳକୁ ବି ବାହ୍ୟ ମଳତ୍ୟାଗ ମୁକ୍ତ ସହରର ମାନ୍ୟତା ମିଳିଛି। କିନ୍ତୁ ଜାଣିଲେ ଆଶ୍ଚର୍ଯ୍ୟ ହେବେ ଜିଲ୍ଲାରେ ଏମିତି ଅନେକ ଗ୍ରାମ ରହିଛି, ଯେଉଁଠି ପାଇଖାନା ଥାଇ ବି କାମରେ ଲାଗୁନି। ସେମିତି ବ୍ଲକ୍&zwnj;ଟିଏ ହେଉଛି ରିଆମାଳ।</p> <p>ଏହି ବ୍ଲକ୍ ଗୁଣ୍ଡିଆପାଲି ପଞ୍ଚାୟତର ପେଣ୍ଡରାଖୋଳ ଗାଁର ସବୁ ଘରେ ପାଇଖାନା ଅଛି, ହେଲେ କାହାରି କାମରେ ଆସୁନି। ଏହାର ମୁଖ୍ୟ କାରଣ ହେଲା ପାଣିର ଅଭାବ। ଏହି ଗାଁରେ ଲୋକଙ୍କୁ ପିଇବାକୁ ପାଣି ମିଳୁ ନ ଥିବା ବେଳେ ପାଇଖାନା କଥା ପଚାରେ କିଏ। ସମାନ ସ୍ଥିତି ସାନଡଙ୍ଗାଘାଟ ଗାଁରେ। ଏଠିବି ବ୍ୟବହାର ନ ହୋଇ ଅଳିଆ ଗଦା ପାଲଟିଛି ସରକାରୀ ପାଇଖାନା। କେଉଁଠି ଲୋକେ ଜାଳ କୁଟା ସାଇତି ରଖିଛନ୍ତି ତ ଆଉ କେଉଁଠି ପାଳୁଛନ୍ତି ଛେଳି କୁକୁଡ଼ା।&lt;a href=&quot;&quot;&gt;(image) &lt;/a&gt;</p> <p>ଗାଁ ଲୋକଙ୍କ ପାଇଁ ପାଇଖାନା ନିର୍ମାଣ ହୋଇଥିଲେ ହେଁ ପାଣି ଅଭାବରୁ ଏହାର ସଦୁପୋଯୋଗ ହେଉ ନଥିବା କଥାକୁ ସ୍ୱୀକାର କରିଛନ୍ତି ଜଳ ଓ ପରିମଳ ବିଭାଗ ନିର୍ବାହୀ ଯନ୍ତ୍ରୀ ଇଂ ସତ୍ୟଜିତ ସାହୁ ।</p> <p>ସେ କହିଛନ୍ତି,&ldquo; ଏ ସମସ୍ୟା ସୁଧାରିବାକୁ ଖୁବଶୀଘ୍ର ପାଣିର ବ୍ୟବସ୍ଥା କରାଯାଉଛି। ସେହିଭଳି ବ୍ୟବହାର ନ ହୋଇ ଭାଙ୍ଗିରୁଜି ଯାଇଥିବା ପାଇଖାନାର ତୁରନ୍ତ ପୁନରୁଦ୍ଧାର କରାଯିବ।&rdquo;</p> <p>ଅନ୍ୟପକ୍ଷରେ ଲୋକେ କାହିଁକି ପାଇଖାନା ବ୍ୟବହାର କରୁ ନାହନ୍ତି ଓ ଆଗକୁ କିଭଳି ବ୍ୟବହାର କରିବେ, ସେଥିପାଇଁ ସ୍ୱତନ୍ତ୍ର ଭାବେ ଲୋକଙ୍କୁ ବୁଝାଇବା ଲାଗି ପଦକ୍ଷେପ ନିଆଯାଉଥିବା ଦେବଗଡ଼ ଜିଲ୍ଲାପାଳ ପୂର୍ଣ୍ଣଚନ୍ଦ୍ର ପାଠୀ କହିଛନ୍ତି।</p> <p>ପାଇଖାନା ପାଇଁ ଆଗୁଆ ପାଣିର ବ୍ୟବସ୍ଥା ନକରି ଏବଂ ଲୋକଙ୍କୁ ଯୋଜନା ସମ୍ପର୍କରେ ସଚେତନ ପୂର୍ବରୁ ଯୁଦ୍ଧ କାଳୀନ ଭିତ୍ତିରେ ପାଇଖାନା ନିର୍ମାଣ ହୋଇଛି। ଯାହାର ଫଳସ୍ୱରୂପ ଏହି ଯୋଜନାର ପ୍ରକୃତ ଉଦ୍ଦେଶ୍ୟ ପୂରଣ ହୋଇପାରିନି।</p> <p>&amp;nbsp;</p> <p>https://www.youtube.com/watch?v=cnAj0aYQQk0</p> <p>&amp;nbsp;</p>